Galaxy S25 Edge: భారత్‌లో స్లిమ్ స్మార్ట్‌ఫోన్ గెలాక్సీ ఎస్ 25 ఎడ్జ్‌ తయారీ

Galaxy S25 Edge

కొరియన్ స్మార్ట్‌ఫోన్ దిగ్గజం శామ్‌సంగ్ తన అత్యంత స్లిమ్ స్మార్ట్‌ఫోన్ గెలాక్సీ ఎస్ 25 ఎడ్జ్‌ను భారతదేశంలో తయారు చేయడం ప్రారంభించిందని కంపెనీ గురువారం తెలిపింది. మే 13న భారతదేశంతో సహా ప్రపంచ మార్కెట్లలో గెలాక్సీ ఎస్ 25 ఎడ్జ్‌ను విడుదల చేసింది. 

గెలాక్సీ ఎస్ 25 ఎడ్జ్ అనే ఈ ఫోన్ చాలా స్లిమ్‌గా మార్కెట్లోకి వచ్చింది. ఇది మల్టీమోడల్ ఏఐతో సహా అన్ని గెలాక్సీ ఏఐ ఫీచర్లతో వస్తుంది. భారతదేశంలోని నోయిడా ఫ్యాక్టరీలో గెలాక్సీ ఎస్ 25 ఎడ్జ్ తయారు చేయబడుతోందని శామ్‌సంగ్ ప్రతినిధి ఒకరు తెలిపారు. 

క్వాల్కమ్ AI చిప్‌సెట్ స్నాప్‌డ్రాగన్ 8 ఎలైట్ మొబైల్ ప్లాట్‌ఫామ్‌పై నిర్మించబడిన ఈ పరికరం ధర ఒక్కొక్కటి రూ. 1.09 లక్షల నుండి రూ. 1.22 లక్షల వరకు ఉంది.

2024లో భారతదేశంలో తయారు చేయబడిన మొత్తం స్మార్ట్‌ఫోన్‌లలో ఆపిల్, శామ్‌సంగ్ 94 శాతం వాటాను కలిగి ఉన్నాయి. 2024లో వాల్యూమ్ పరంగా స్మార్ట్‌ఫోన్ ఉత్పత్తిలో 20 శాతం వాటాతో శామ్‌సంగ్ మార్కెట్‌ను నడిపించిందని పరిశోధన సంస్థ అంచనా వేసింది.