ఇంగ్లండ్‌లో జరిగిన వర్చువల్ ఈవెంట్‌లో రియల్‌మీ 5జీ ఫోన్ లాంఛ్ అయ్యింది. ఈ సంవత్సరం సెప్టెంబర్‌లో లాంచ్ అయిన రియల్ మీ 7, రియల్ మీ 7 ప్రో, రియల్ మీ 7ఐలకు అప్ గ్రేడెడ్ వెర్షన్‌గా ఈ స్మార్ట్ ఫోన్ లాంచ్ అయింది. అత్యంత చౌకైన డ్యూయల్ 5జీ కనెక్టివిటీ ఉన్న ఫోన్ ఇదే. ఈ నేపథ్యంలో ఈ సంవత్సరం ఆగస్టులో చైనాలో లాంచ్ అయిన రియల్‌మీ వీ5నే రీ బ్రాండ్ చేసి రియల్‌మీ 7 5జీగా లాంచ్ చేస్తారనే వార్తలు వచ్చాయి. కానీ రియల్‌మీ ఈ ఫోన్‌లో పలు మార్పులు చేసింది.
రియల్‌మీ వీ5లో మీడియాటెక్ డైమెన్సిటీ 720 ప్రాసెసర్‌ను తీసుకురాగా, ఇందులో మీడియాటెక్ డైమెన్సిటీ 800యూ ప్రాసెసర్‌ను తీసుకొచ్చింది. ఈ స్మార్ట్ ఫోన్ ధరను 279 యూరోలుగా (సుమారు రూ.27,400) నిర్ణయించారు. ఇందులో కేవలం 6 జీబీ ర్యామ్ + 128 జీబీ స్టోరేజ్ వేరియంట్ మాత్రమే అందుబాటులో ఉంది. బాల్టిక్ బ్లూ రంగులో ఈ ఫోన్ కొనుగోలు చేయవచ్చు. దీనికి సంబంధించిన సేల్ ఇంగ్లండ్‌లో నవంబర్ 27వ తేదీ నుంచి ప్రారంభం కానుంది. ఈ ఫోన్ మనదేశంలో ఎప్పుడు లాంచ్ కానుందో తెలియాల్సి ఉంది.
రియల్ మీ 7జీ స్పెసఫికేషన్లు
కొత్త స్మార్ట్‌ఫోన్ 120 హెర్ట్జ్ డిస్‌ప్లేతో వస్తుంది.
రియల్‌మే 7 5 జీలో క్వాడ్ రియర్ కెమెరాలు ఉన్నాయి.
ఫ్రంట్‌లో హోల్-పంచ్ డిస్ప్లే డిజైన్‌ను అందిస్తుంది.