మొబైల్ తయారీదారు సంస్థ హెచ్ఎండీ గ్లోబల్ తన నూతన స్మార్ట్‌ఫోన్ నోకియా 3.2ను ఇవాళ భారత మార్కెట్‌లో విడుదల చేసింది. ఈ ఫోన్ రూ.8,990 ప్రారంభ ధరతో ఈ నెల 23వ తేదీ నుండి వినియోగదారులకు అందుబాటులోకి రానుంది. కాగా ఈ స్మార్ట్‌ఫోన్ లాంచింగ్ సందర్భంగా పలు ఆఫర్లను కూడా అందిస్తున్నారు.
ఈ ఫోన్‌ను కొన్న క‌స్ట‌మ‌ర్ల‌కు రూ.1వేయి విలువైన గిఫ్ట్ కార్డును అందిస్తారు. దానికి జూన్ 30వ తేదీ వ‌ర‌కు గ‌డువు ఉంటుంది. అలాగే 6 నెల‌ల కాల వ్య‌వ‌ధి గ‌ల వ‌న్ టైం స్క్రీన్ రీప్లేస్‌మెంట్ ప్లాన్‌ను ఉచితంగా అందివ్వ‌నున్నారు. దీంతోపాటు ఈ ఫోన్‌పై నో కాస్ట్ ఈఎంఐ స‌దుపాయాన్ని కూడా అందిస్తున్నారు.