రిలయన్స్ జియో 4జీ ఫోన్‌ను కొనుగోలు చేసేందుకు ఆసక్తిగా ఎదురు చూస్తున్న కొనుగోలుదార్లకు నిజంగా ఇది గుడ్‌న్యూసే. ఈ సంస్థ విడుదల చేయనున్న 4జీ ఫీచర్ ఫోన్‌లో ఫేస్‌బుక్, వాట్సాప్ వంటి కోసం ప్రత్యేక యాప్‌ను అ
రిలయన్స్ జియో 4జీ ఫోన్‌ను కొనుగోలు చేసేందుకు ఆసక్తిగా ఎదురు చూస్తున్న కొనుగోలుదార్లకు నిజంగా ఇది గుడ్‌న్యూసే. ఈ సంస్థ విడుదల చేయనున్న 4జీ ఫీచర్ ఫోన్‌లో ఫేస్‌బుక్, వాట్సాప్ వంటి కోసం ప్రత్యేక యాప్‌ను అందుబాటులోకి తీసుకుని రానుందనే వార్తలు వస్తున్నాయి.
నిజానికి ఈనెలాఖరులో జియో 4జీ ప్రీ బుకింగ్స్ ప్రారంభంకానున్నాయి. సెప్టెంబర్ నెలలో యూజర్లకు ఈ ఫోన్లు లభించనున్నాయి. అయితే జియో 4జీ ఫీచర్ ఫోన్‌లో ఫేస్‌బుక్, యూట్యూబ్ తప్ప మిగిలిన సోషల్ యాప్స్ ఏవీ పనిచేయవనే ప్రచారం ఉంది. వాట్సాప్ ఈ ఫోన్‌లో రాదని జియో వర్గాలు స్పష్టత ఇచ్చాయి కూడా.
అయితే దీనిపై చాలా మంది యూజర్లు పెదవి విరిచారు. జియో 4జీ ఫీచర్ ఫోన్‌లో వాట్సాప్ రాదనే విషయం తెలిశాక చాలా మంది ఈ ఫోన్‌ను కొనేందుకు నిరాసక్తతను ప్రదర్శించినట్టు తెలిసింది. దీంతో జియో వాట్సాప్‌ను ఎలాగైనా ఈ ఫోన్‌లో అందుబాటులో ఉంచాలని నిర్ణయం తీసుకుంది.
అందులో భాగంగానే ప్రస్తుతం జియో ప్రతినిధులు వాట్సాప్‌తో సంప్రదింపులు జరుపుతున్నట్టు తెలిసింది. జియో 4జీ ఫీచర్ ఫోన్ కోసం ప్రత్యేకంగా ఓ వాట్సాప్ వెర్షన్‌ను క్రియేట్ చేసేందుకుగాను జియో వాట్సాప్‌తో ఒప్పందం కుదుర్చుకోనున్నట్టు సమాచారం. ప్రస్తుతం రెండు కంపెనీల ప్రతినిధులు ఈ విషయంపై చర్చిస్తున్నట్టు తెలిసింది. ఈ చర్చలు ఫలిస్తే ఈ ఫోన్‌లో వాట్సాప్ సౌకర్యాన్ని అందుబాటులోకి రానుంది.