5జీ చిప్‌సెట్‌‌తో హానర్ నుంచి కొత్త స్మార్ట్ ఫోన్.. కానీ గూగుల్ మాత్రం?

Smart phone

హానర్ నుంచి కొత్త స్మార్ట్ ఫోన్ మార్కెట్లోకి వచ్చింది. హానర్‌ సంస్థ తన 30 సిరీస్‌లో సరికొత్త స్మార్ట్‌ఫోన్‌ను ఆవిష్కరించింది. 30ఎస్‌ పేరుతో తయారు చేసిన ఈ స్మార్ట్‌ఫోన్‌లో అత్యధునిక ఫీచర్లు పొందుపరిచారు. 6.5 అంగుళాల ఫుల్‌హెచ్‌డి, ఫుల్‌వ్యూ డిస్‌ప్లే కలిగిన ఈ ఫోను.. కిరిన్‌ 820 ప్రాసెసర్‌ 5జీ చిప్‌సెట్‌ కలిగివుంది.

ఇంకా ఈ ఫోన్‌లో నాలుగు కెమెరాలు ఉన్నాయి. సెల్పీ కెమెరా ఒకటే ఉంది. 8జీబీ, 128 జీబీ, 8జీబీ, 256 జీబీ వేరియంట్లలో లభించే ఈ ఫోన్‌ను చైనాలో ప్రీఆర్డర్‌ ద్వారా బుక్‌ చేసుకోవచ్చు. ఏప్రిల్‌ 7న నుంచి అమ్మకాలు ప్రారంభమవుతాయి. 

నలుపు, ఆకుపచ్చ, తెలుగు రంగుల్లో ఈ స్మార్ట్ ఫోన్ లభ్యమవుతుంది. కానీ ఈ ఫోనులో గూగుల్‌ సేవలు అందుబాటులో ఉండవు. అంటే ప్లేస్టోర్‌ యాప్‌ ఉండదు. 16 ఎంపీ సెల్ఫీకెమెరా, 4000 ఎంఏహెచ్ బ్యాటరీని కలిగివుండే ఈ ఫోన్ (8జీబీ ర్యామ్/128 జీబీ స్టోరేజ్) ధర రూ.25,500 లని హానర్ సంస్థ వెల్లడించింది. అలాగే 8జీబీ ర్యామ్/ 256 జీబీ స్టోరేజ్ ధర రూ. 29,000లని హానర్ తెలిపింది.