నిరుద్యోగులకు శుభవార్త : అమేజాన్ ఇండియాలో తాత్కాలిక ఉద్యోగాలు

నిరుద్యోగులకు ఓ శుభవార్త. ప్రముఖ ఈ-కామర్స్ సంస్థ అమేజాన్ ఇండియా నిరుద్యోగులకు పండగ చేసుకునే అవకాశాన్నిచ్చింది. ఈ నెల 20 నుంచి 24వరకు ''గ్రేట్ ఇండియా సేల్'' నిర్వహించనున్న నేపథ్యంలో పెద్ద ఎత్తున తాత్కా

నిరుద్యోగులకు ఓ శుభవార్త. ప్రముఖ ఈ-కామర్స్ సంస్థ అమేజాన్ ఇండియా నిరుద్యోగులకు పండగ చేసుకునే అవకాశాన్నిచ్చింది. ఈ నెల 20 నుంచి 24వరకు ''గ్రేట్ ఇండియా సేల్'' నిర్వహించనున్న నేపథ్యంలో పెద్ద ఎత్తున తాత్కాలిక ఉద్యోగులను నియమించుకోనున్నట్లు ప్రకటించింది.

మొత్తం 6,500 ఉద్యోగాలను భర్తీ చేయనున్నట్టు ప్రకటించింది. ఉద్యోగ నియామకాలతో వినియోగదారులకు మరింత వేగంగా వస్తువులను అందించే అవకాశం ఉందని సంస్థ భావిస్తోంది. 

ఇందులో భాగంగా అమెజాన్ ఇండియా పరిధిలోని నెట్‌వర్క్ సెంటర్లు, వినియోగదారుల నుంచి వచ్చిన ఆర్డర్లను సిద్ధం చేసేందుకు.. డెలివరీ చేయడం వంటి విభాగాల్లో తాత్కాలిక ఉద్యోగాలను నియమిస్తున్నట్లు సంస్థ తెలిపింది. హైదరాబాద్, బెంగళూరు సహా అన్ని మెట్రోపాలిటన్ నగరాల్లోనూ నియామకాలు చేపట్టనున్నట్లు సంస్థ వెల్లడించింది.