ఎయిర్‌టెల్ ఇనాక్టివ్‌ ప్రీ-పెయిడ్ యూజర్లకు బంపర్ ఆఫర్.. 1జీబీ డేటా, ఉచిత ఇన్‌కమింగ్?

భారతీ ఎయిర్‌టెల్ నెట్వర్క్ ఇనాక్టివ్‌గా వున్న ప్రీ-పెయిడ్ యూజర్లకు బంపర్ ఆఫర్ అందిస్తోంది. వారికి మూడు రోజుల కాలవ్యవధితో 1జీబీ డేటా, ఉచిత ఇన్‌కమింగ్, ఔట్‌గోయింగ్ కాల్స్‌ను అందిస్తోంది. సుమారుగా నెల రోజులకు పైగా ఇనాక్టివ్‌గా వున్న యూజర్లు ఈ ఆఫర్‌ను ఉపయోగించుకోవచ్చు. 

వారిలో ఎంపిక చేసిన కస్టమర్లకు ప్రస్తుతం ఎయిర్‌టెల్ ఈ ఆఫర్‌కు సంబంధించిన మెసేజ్‌లను పంపిస్తోంది. అయితే ఇనాక్టివ్‌గా ఉన్న యూజర్లందరికీ ఈ ఆఫర్‌ను అందిస్తుందా అనేది తెలియాల్సి వుంది. 

కాగా ఇనాక్టివ్ ప్రీపెయిడ్ యూజర్లు ఈ ఆఫర్ కింద 1జీబీ హై స్పీడ్ డేటా, ఉచిత కాల్స్ సదుపాయం పొందవచ్చు. అయితే 3 రోజుల సమయం అయిపోయేలోగా కస్టమర్లు రీచార్జి చేసుకోవాల్సి ఉంటుంది. దీంతో తమ నంబర్ అలాగే కొనసాగుతుంది. అన్‌లిమిటెడ్ ప్యాక్‌లను రీచార్జి చేసుకుంటే కస్టమర్లు మరిన్ని బెనిఫిట్స్ ను పొందవచ్చని ఎయిర్‌టెల్ తెలిపింది.

ఇక రూ.48 ప్లాన్ కింద 3జీబీ డేటాను ఎయిర్‌టెల్ ప్రీపెయిడ్ కస్టమర్లు ఉచితంగా పొందవచ్చు. ఇందులో ఎలాంటి కాల్స్ రావు. కేవలం డేటా మాత్రమే వస్తుంది. దీని వాలిడిటీని 28 రోజులుగా నిర్ణయించారు.