ఒక్కటంటే ఒక్కటే.. పామును ఇలా పట్టుకున్నారు (వీడియో)
ఓ పాము కోసం పెద్ద హంగామా చేసేశారు. పామును పట్టుకునేందుకు పెరటి మొత్తాన్ని తవ్వేశారు. ఇదేంటి పాము కోసం పెరటినే తవ్వేశారా? అని ఆశ్చర్యపోతున్నారు కదూ.. అయితే ఈ స్టోరీ చదవండి. సాధారణమైన పామంటే.. పెద్దగా ప
ఓ పాము కోసం పెద్ద హంగామా చేసేశారు. పామును పట్టుకునేందుకు పెరటి మొత్తాన్ని తవ్వేశారు. ఇదేంటి పాము కోసం పెరటినే తవ్వేశారా? అని ఆశ్చర్యపోతున్నారు కదూ.. అయితే ఈ స్టోరీ చదవండి. సాధారణమైన పామంటే.. పెద్దగా పట్టించుకునేవారు కాదట. కానీ ఆ పాము ప్రపంచంలోనే అత్యంత విషపూరితమైన పాముల్లో రెండో జాతికి చెందిందట.
అందుకే దాని కోసం ఇంటి వెనుక వున్న పెరడును తవ్వించేశారు. ఈ ఘటన ఆస్ట్రేలియాలోని క్వీన్స్‌లాండ్‌లో చోటుచేసుకుంది. క్వీన్స్‌లాండ్‌లో వున్న హెలెన్స్‌వాలేలోని ఓ ఇంటి పెరట్లో ఉన్న కాంక్రీటు స్లాబ్‌లో ప్రమాదకరమైన పాము ఆరు నెలల నుంచి దాక్కుని వుందట. దాన్ని పట్టుకునేందుకు చేసిన ప్రయత్నాలన్నీ విఫలమయ్యాయట.
ఇక లాభం లేదనుకున్న ఆ ఇంటి యజమాని.. సహాయక సిబ్బందిని రంగంలోకి దించారట. ఇక అటవీ శాఖాధికారులు ఆ పాము కోసం పెరటినంతా తవ్వేశారు. అయినా చిక్కలేదు. చివరకు కాంక్రీట్ స్లాబును పగులకొట్టి.. పామును పట్టుకున్నారు. ఆపై దానిని తీసుకెళ్లి అడవిలో వదిలేశారు. ఆ పాము పేరు బ్రౌన్ స్నేక్ అని అటవీశాఖాధికారులు తెలిపారు. పామును పట్టుకునేందుకు సహాయక సిబ్బంది చేసిన ప్రయత్నానికి సంబంధించిన వీడియో ప్రస్తుతం వైరల్ అవుతోంది. ఈ వీడియోను ఓ లుక్కేయండి.