తిరుపతి యువకుడికి అమెరికాలో అరుదైన గౌరవం.. అదేంటంటే?

తిరుపతికి చెందిన యువకుడు అరుదైన ఘనతను తన ఖాతాలో వేసుకున్నాడు. యునైటెడ్ స్టేట్స్ ప్రభుత్వం EB-1 వీసాను మంజూరు చేయడం ద్వారా తిరుపతి యువకుడికి అరుదైన గౌరవం దక్కింది. ఈ వీసా అసాధారణమైన సామర్ధ్యాలు కలిగిన వ్యక్తుల కోసం ప్రత్యేకించబడింది. తిరుపతిలోని నలంద నగర్‌కు చెందిన అనంత రవితేజ ప్రస్తుతం వాషింగ్టన్‌లోని యాపిల్ హెడ్‌క్వార్టర్స్‌లో ప్రిన్సిపల్ రీసెర్చ్ సైంటిస్ట్‌గా పనిచేస్తున్నారు.

అతని అసాధారణ ప్రతిభను గుర్తించిన సంస్థ, అతనికి EB-1 వీసా మంజూరు చేయాలని ప్రభుత్వానికి ప్రతిపాదించింది. ఈ ప్రతిపాదనను పరిశీలించిన ప్రభుత్వం రెండు రోజుల క్రితం వీసాను ఆమోదించింది. తరచుగా ఐన్‌స్టీన్ వీసాగా సూచించబడే ఈ వీసా అసాధారణ సామర్థ్యం ఉన్న వ్యక్తులకు ప్రత్యేకంగా మంజూరు చేయబడుతుంది.