Pahalgam: కొలంబోలో పహల్గామ్ ఉగ్రవాదులు- చెన్నై నుంచి పారిపోయారా?

పహల్గామ్ ఉగ్రవాదులు కొలంబోలో దిగారనే నివేదికల నేపథ్యంలో శ్రీలంక భద్రతా దళాలు కొలంబో విమానాశ్రయంలో భారీ సోదాలు నిర్వహించాయి. పహల్గామ్‌లో 26 మంది భారతీయులను చంపిన ఉగ్రవాదులు కొలంబోలో ఉండవచ్చని భారత వర్గాలు భావిస్తున్నాయి. నిందితులు చెన్నై నుండి కొలంబోకు పారిపోయినట్లు చెబుతున్నారు. 

భారతదేశం అనుమానాల మేరకు, కొలంబో విమానాశ్రయంలో విస్తృత భద్రతా తనిఖీలు జరిగాయి. విమానంలో 6 మంది అనుమానితులు ఉన్నారని భారతదేశం సమాచారం అందజేసింది. శ్రీలంక ఎయిర్‌లైన్స్ విమానం కొలంబోలో దిగిన తర్వాత, శ్రీలంక సైన్యం-ఎయిర్‌లైన్స్ భద్రతా సిబ్బంది తనిఖీలు నిర్వహించారు. అయితే, విమానంలో ఎటువంటి అనుమానితులు కనిపించలేదు. 

భారతదేశం-పాకిస్తాన్ ఇప్పుడు దౌత్యపరమైన వివాదంలో ఉన్నాయి. బైసారన్ లోయ దాడిలో తన పాత్రను పాకిస్తాన్ పూర్తిగా ఖండించలేదు. భారతదేశం ఆంక్షలను తీవ్రంగా వ్యతిరేకించిన తర్వాత, పాకిస్తాన్ ప్రతి చర్యతో స్పందించింది. పాకిస్తాన్ విమానాలు తన గగనతలాన్ని ఉపయోగించకుండా భారతదేశం నిషేధించింది. ఓడరేవుల వాడకాన్ని నిలిపివేసింది. భారతదేశం అన్ని దిగుమతులు, ఎగుమతులను కూడా నిలిపివేసింది. మెయిల్, పార్శిల్‌లను కూడా నిలిపివేసింది.