సైకిల్ పైనే ప్రసవానికి వెళ్లిన న్యూజిలాండ్ మంత్రి..

మహిళలు ప్రసవానికి వెళ్తుతున్నారంటే.. కారు లేదా ఆటో, ఆంబులెన్స్ బుక్ చేస్తారు. మహిళకు ప్రసవం అనేది మరుజన్మలాంటిది. అందుకే వారిని సురక్షితమైన వాహనంలో ఆస్పత్రికి చేరుస్తారు. కానీ న్యూజిలాండ్ మహిళా మంత్రి

మహిళలు ప్రసవానికి వెళ్తుతున్నారంటే.. కారు లేదా ఆటో, ఆంబులెన్స్ బుక్ చేస్తారు. మహిళకు ప్రసవం అనేది మరుజన్మలాంటిది. అందుకే వారిని సురక్షితమైన వాహనంలో ఆస్పత్రికి చేరుస్తారు. కానీ న్యూజిలాండ్ మహిళా మంత్రి సైకిల్‌పై ప్రసవానికి వెళ్లారు. అవును నిజమే. ప్రసవ బాధలోనూ సైకిల్‌పై వెళ్తూ ఆస్పత్రిలో చేరారు. సాధారణ మహిళే ప్రసవానికి వెళ్తుందనగా.. ప్రత్యేక వాహనాన్ని ఏర్పాటు చేస్తారు. 

కానీ మంత్రి హోదాలో వున్న మహిళకు ఎలాంటి మర్యాద లభిస్తుందో అర్థం చేసుకోవచ్చు. కానీ నెలల నిండిన వేళ.. న్యూజిలాండ్‌కు చెందిన మహిళా మంత్రి, సైకిలుపై స్వయంగా ఆసుపత్రికి వెళ్లి పతాక శీర్షికల్లో నిలిచారు. మహిళా, ఆరోగ్య, రవాణా శాఖల సహాయమంత్రిగా ఉన్న జూలీ ఎన్నే జెంటర్, సైకిల్ తొక్కుతూ ఆసుపత్రికి డెలివరీ నిమిత్తం వెళ్లగా, ఇప్పుడామె ఫొటోలు సామాజిక మాధ్యమాల్లో వైరల్ అవుతున్నాయి. 

ఇంకా జూలీపై నెటిజన్లు ప్రశంసల వర్షం కురిపిస్తున్నారు. గర్భం ధరించిన 40 వారాల, నాలుగు రోజుల తరువాత సైకిలెక్కి ఆసుపత్రికి వెళ్లిన 38 ఏళ్ల జూలీ ఇప్పుడు డెలివరీ కోసం వేచి చూస్తోంది. ఆమె కనీసం మూడు వారాల మాతృత్వ సెలవు తీసుకోవాలని భావిస్తోందట. కాగా, ఈ సంవత్సరం న్యూజిలాండ్ ప్రధాని జసిందా ఆర్డెర్న్ ప్రసవించిన సంగతి తెలిసిందే. ప్రపంచంలో అత్యున్నత పదవిలో ఉండి ప్రసవించిన రెండో మహిళగా ఆమె రికార్డును సృష్టించారు.