అవును.. ఇండోనేషియాకు చెందిన ఓ మహిళ చేసిన వ్యాఖ్యలు ప్రస్తుతం చర్చనీయాంశమైనాయి. స్విమ్మింగ్ పూల్‌లో స్నానం చేయడం ద్వారా మహిళలు గర్భం ధరించే అవకాశాలు అధికంగా వున్నట్లు ఇండోనేషియాకు చెందిన శిశు సంక్షేమ శాఖకు చెందిన ఓ మహిళా అధికారి చేసిన వ్యాఖ్యలు వైరల్ అవుతున్నాయి.
వివరాల్లోకి వెళితే.. ఇండోనేషియాలో శిశు సంక్షేమ శాఖకు చెందిన అధికారి అయిన సిటీ హిగ్మావ్టే అనే మహిళ చేసిన వ్యాఖ్యలు సోషల్ మీడియాలో వైరల్ అవుతున్నాయి.
ఇటీవల ఓ ఇంటర్వ్యూలో ఆమె మాట్లాడుతూ.. పురుషులు స్నానం చేసే స్విమ్మింగ్ పూల్‌లోనే మహిళలు కూడా స్నానం చేస్తే.. వారు గర్భం ధరించే అవకాశం వుందని కామెంట్స్ చేసింది.
స్విమ్మింగ్ పూల్‌లో పురుషులు స్నానం చేసేటప్పుడు వారి వీర్యం నీటిలో కలుస్తుందని.. ఈ వీర్యం మహిళల శరీరంలో చేరితే గర్భం ధరించే అవకాశాలున్నట్లు ఆమె వ్యాఖ్యానించింది.
కానీ సైన్స్ ప్రకారం నిరూపితం కాని ఓ విషయాన్ని ఓ అధికారి వ్యాఖ్యానించడం ప్రస్తుతం వివాదాస్పదమైంది. ఈమె వ్యాఖ్యలపై పలువురు సెటైర్లు వేస్తూ కామెంట్లు చేస్తున్నారు.