హిల్లరీ క్లింటన్‌పై కె ఏ పాల్ సెన్సేషనల్ కామెంట్స్.. 3నిమిషాల నిడివితో వీడియో
అమెరికా అధ్యక్ష ఎన్నికల బరిలో ఉన్న హిల్లరీ క్లింటన్‌పై క్రిస్టియన్ మత ప్రచారకుడు కె ఏ పాల్ సంచలన వ్యాఖ్యలు చేశాడు. హిల్లరీ తనను చంపేందుకు ప్రయత్నించిందంటూ ఆరోపించాడు. అంతేగాకుండా.. క్లింటన్‌పై ఆరోపణలు
అమెరికా అధ్యక్ష ఎన్నికల బరిలో ఉన్న హిల్లరీ క్లింటన్‌పై క్రిస్టియన్ మత ప్రచారకుడు కె ఏ పాల్ సంచలన వ్యాఖ్యలు చేశాడు. హిల్లరీ తనను చంపేందుకు ప్రయత్నించిందంటూ ఆరోపించాడు. అంతేగాకుండా.. క్లింటన్‌పై ఆరోపణలు చేస్తూ దాదాపు 3 నిమిషాల నిడివి గల వీడియోని యూట్యూబ్‌లో పోస్ట్ చేశాడు.
తాను 2011లో ఒబామా, లిబియా అధ్యక్షుడు గడాఫీల మధ్య శాంతి కోసం చర్చలు జరుపున్న తరుణంలో హిల్లరీ తనను హతమార్చేందుకు ప్రయత్నించిందని.. అందుకే ఆమె ఓటెయ్యకండని అమెరికన్ ఓటర్లకు పిలుపునిచ్చాడు.
ప్రస్తుతం ఈ వీడియో యూట్యూబ్‌లో వైరల్ అయ్యింది. ప్రస్తుతం జరుగుతున్న అశాంతికి, యుద్దాలకు కారణం హిల్లరీ అని ఆరోపించాడు. అయితే ఈ వ్యాఖ్యలను ఎవ్వరూ పెద్దగా పట్టించుకోవట్లేదు. ఇప్పటికే కోతల రాయుడుగా పేరున్న కె పాల్.. పబ్లిసిటీ కోసం ఇదంతా చేస్తున్నాడు.
అయితే గతంలో ట్రంప్‌తో కేఏ పాల్‌కు మంచి సంబంధాలు ఉన్నాయని , ప్రస్తుతం అమెరికా అధ్యక్ష ఎన్నికల్లో ట్రంప్ వెనకబడడంతో అతనికి మద్దతు పెరగడం కోసమే పాల్ హిల్లరీపై ఇలాంటి ఆరోపణలు చేశాడని వార్తలొస్తున్నాయి.