ప్రియుడిని, కుమార్తెను మరిచిపోయిన ఎన్నారై మహిళ.. ఏమైందో తెలుసా?

ప్రేమించే వ్యక్తులను మరిచిపోతే ఆ పరిస్థితి వింటే ఎలా వుంటుంది. అయితే ఇదేదో సినిమా కాదు. కెనడాలోని ఒక ఎన్నారై మహిళకు ఎదురైన విషాదకరమైన వాస్తవం. 33 ఏళ్ల నాష్ పిళ్ళై, తన తొమ్మిదేళ్ల వయసులో ఘోరమైన కారు ప్రమాదానికి గురైంది. దీని ఫలితంగా ఆమె యుక్తవయస్సు వరకు జ్ఞాపకశక్తి కోల్పోవడం పదేపదే జరిగింది ఇది ఆమె జీవితాన్ని దెబ్బతీసింది.

2022లో, భారత సంతతికి చెందిన ఆ మహిళ తలకు మరో గాయం కావడంతో ఆమె జ్ఞాపకశక్తి తీవ్రంగా కోల్పోయింది. ఆ తర్వాత, ఆమె తన ప్రియుడు జోహన్నెస్ జాకోప్‌ను లేదా వారి కుమార్తెను కూడా గుర్తుపట్టలేకపోయింది. 

జోహన్నెస్ ఆమెను ఆసుపత్రికి తీసుకెళ్తున్నప్పుడు, నాష్ తాను కేవలం అద్దె టాక్సీ డ్రైవర్ అని అనుకుంది. ఇది ఆమె పరిస్థితి ఎంత తీవ్రంగా ఉందో వైద్యులు గ్రహించి, ఆమెను మూడు రోజులు ఐసీయూలో ఉంచారు.

అలా నాష్ ప్రియుడు ఆమె చికిత్స సమయంలో ఆమెకు అండగా నిలిచి తన అచంచల మద్దతును చూపించాడు. ఈ ఘటనపై బాధితురాలు మాట్లాడుతూ.. 33 ఏళ్ల ఆమె కష్ట సమయాల్లో తనను జాగ్రత్తగా చూసుకున్నందుకు జోహన్నెస్, ఆమె కుటుంబ సభ్యులకు కృతజ్ఞతలు తెలిపింది. ఇంకా నాష్‌కు రెండవ బిడ్డ పుట్టింది. ఇక నాష్ జీవితంపై ఒక డాక్యుమెంటరీ చిత్రీకరణ ప్రక్రియలో ఉంది.