ఫ్రాన్స్ పోలీసుల ఓవరాక్షన్.. బీచ్‌లో మహిళను బురఖా విప్పమన్నారు.. సోషల్ మీడియాలో రచ్చ
ఫ్రాన్స్ పోలీసులు ఓవరాక్షన్ చేశారు. బీచ్‌లో బురఖాలు ధరించి కూర్చున్న మహిళలను పోలీసులు బలవంతంగా బట్టలూడదీయించి తనిఖీలు చేశారు. ఆ సమయంలో ఆడ పోలీసులు కూడా లేకపోవడంతో ఈ చర్య వివాదాస్పదమైంది.
ఫ్రాన్స్ పోలీసులు ఓవరాక్షన్ చేశారు. బీచ్‌లో బురఖాలు ధరించి కూర్చున్న మహిళలను పోలీసులు బలవంతంగా బట్టలూడదీయించి తనిఖీలు చేశారు. ఆ సమయంలో ఆడ పోలీసులు కూడా లేకపోవడంతో ఈ చర్య వివాదాస్పదమైంది. వివరాల్లోకి వెళితే.. గత నెలలో ఉగ్రవాదులు విరుచుకుపడిన నీస్ పట్టణంలో పోలీసులు భద్రతను పెంచారు. తనిఖీలను ముమ్మరం చేశారు. ఇందులో భాగంగా నీస్ పట్టణంలోని సముద్ర తీరంలో మధ్య వయస్కురాలైన ఓ ముస్లిం మహిళ బురఖా ధరించి కూర్చుని ఉండగా.. ఆమెను బట్టలూడదీయమన్నారు.
ఆపై పోలీసులు, ఆయుధాలు, పెప్పర్ స్పేలతో ఆమెను సమీపించిన పోలీసులు బలవంతంగా ఆమె బట్టలు ఊడదీయించి తనిఖీలు చేశారు. ఆ సమయంలో ఆడ పోలీసులు కూడా లేరు. ఆమె కూడా పోలీసులు చెప్పారనే భయంతో బురఖా తొలగించింది. ప్రస్తుతం ఫ్రాన్స్ పోలీసులు చేసిన ఓవరాక్షన్‌పై సోషల్ మీడియాలో నెటిజన్లు ఫైర్ అవుతున్నారు. సామాజిక మాధ్యమాల్లో ఈ ఘటనకు సంబంధించిన ఫోటోలు వైరల్ అయ్యాయి.
బాధితురాలికి బాసటగా నిలిచేలా 'బుర్కినీగేట్' పేరిట ఓ హ్యాష్ ట్యాగ్ మొదలై వైరల్ అవుతోంది. ఈ ఘటన 23వ తేదీన జరిగింది. ఇక పోలీసులు తమ దేశంలో బురఖాలపై నిషేధం ఉందని తాము చేసిన తప్పును కప్పిపుచ్చుకుంటున్నారు.