వణికిస్తున్న ఫ్లోరెన్స్... అమెరికాను ముంచెత్తనున్న వరదలు

అమెరికాను ఫ్లోరెన్స్ వణికిస్తోంది. ఫలితంగా అమెరికా మరోమారు వరదల్లో చిక్కుకోనుంది. ఫ్లోరెన్స్ హరికేన్ ఫలితంగా తూర్పు తీరప్రాంతంలో ఈదురు గాలులు, భారీ వర్షాలు, ఆకస్మిక వరదలు ముంచెత్తుతాయని, కొండచరియలు వి

అమెరికాను ఫ్లోరెన్స్ వణికిస్తోంది. ఫలితంగా అమెరికా మరోమారు వరదల్లో చిక్కుకోనుంది. ఫ్లోరెన్స్ హరికేన్ ఫలితంగా తూర్పు తీరప్రాంతంలో ఈదురు గాలులు, భారీ వర్షాలు, ఆకస్మిక వరదలు ముంచెత్తుతాయని, కొండచరియలు విరిగి పడతాయని అమెరికా వాతావరణ కేంద్రం హెచ్చరించింది. ముఖ్యంగా ఉత్తర కరోలినా, వర్జీనియా, దక్షిణ కరోలినా రాష్ట్రాల్లో భారీ విధ్వంసం సృష్టించే అవకాశం ఉందని పేర్కొంది.

ఈ ఫ్లోరెన్స్ హరికేన్ అట్లాంటిక్‌ మహాసముద్రంలో ఏర్పడి తూర్పు తీరం వైపు నెమ్మదిగా కదులుతోంది. ఈ హరికేన్ కేటగిరీ-1 కిందకు చేర్చారు. దీనిఫలితంగా తీవ్రముప్పు పొంచివున్నట్టు భావిస్తున్నారు. ఇదిక్రమంగా బలం పుంజుకుని, రాగల 24 గంటల్లో కేటగిరీ-4 హరికేన్‌గా రూపాంతరం చెందే అవకాశం ఉందని అమెరికాలోని జాతీయ హరికేన్‌ కేంద్రం (ఎన్‌హెచ్‌సీ) తెలిపింది. 

ఈ కారణంగా తూర్పు తీరప్రాంతంలో ఈదురు గాలులు, భారీ వర్షాలు, ఆకస్మిక వరదలు ముంచెత్తుతాయని, కొండచరియలు విరిగి పడతాయని హెచ్చరించింది. ప్రస్తుతం బెర్ముడాకు 1100 కిలోమీటర్లు ఆగ్నేయంగా హరికేన్‌ కేంద్రీకృతమై ఉందని, గురువారం రాత్రి లేదా శుక్రవారం ఉదయానికి ఉత్తర, దక్షిణ కరోలినా మధ్య ఇది తీరం దాటవచ్చునని తెలిపింది.