అరెరె.. ఆస్ట్రేలియాలో పాము ఆత్మహత్య చేసుకుందట..

అయ్యో పాపం ఆస్ట్రేలియాలో పాము ఆత్మహత్యకు పాల్పడిందట. ఇంతకీ ఆ పాముకు ఏం కష్టమొచ్చిందో తెలుసుకోవాలనుందా? అయితే ఈ స్టోరీ చదవండి. స్నేక్ హంటర్ ఆ పామును పట్టుకోగానే ఆ పాముకు కోపం వచ్చింది. అంతేకాకుండా తనను

అయ్యో పాపం ఆస్ట్రేలియాలో పాము ఆత్మహత్యకు పాల్పడిందట. ఇంతకీ ఆ పాముకు ఏం కష్టమొచ్చిందో తెలుసుకోవాలనుందా? అయితే ఈ స్టోరీ చదవండి. స్నేక్ హంటర్ ఆ పామును పట్టుకోగానే ఆ పాముకు కోపం వచ్చింది. అంతేకాకుండా తనను పట్టుకున్న స్నేక్ హంటర్ ఏం చేస్తాడో ఏమోనని పాము ఆత్మహత్య చేసుకుంది. ఈ ఘటనను స్నేక్ హంటర్ ఆశ్చర్యంగా చూస్తుండిపోయాడు. 

వివరాల్లోకి వెళితే ఆస్ట్రేలియాలో ట్రీ బ్రౌన్ అనే పేరు కలిగిన సర్పం విషపూరితమైంది. ఇది కాటేసిన నిమిషాల్లో ఎలాంటి వ్యక్తైనా ప్రాణాలు కోల్పోవాల్సిందే. అలాంటి పాము తన ఇంట్లో వుందని ఓ మహిళ ఫోన్ చేసింది. ఆస్ట్రేలియాలోని కేథరిన్ పట్టణంలో ఉంటున్న స్నేక్ హంటర్ మహిళ ఫోన్ చేసిన ఇంటికి వెళ్లాడు. ఆమె ఇంట్లో 1.5 మీటర్ల ట్రీ  బ్రౌన్ సర్పం వుండటాన్ని గమనించాడు. 

దానిని మెంట్ హెగెన్ పట్టుకున్నాడు. అలా పట్టుకోగానే, ఆ పాము తనంతట తాను తన మెడపై కాటు వేసుకుంది. దీంతో బ్రౌన్ సర్పపు విషమే ఆ పామును చంపేసింది. దీన్ని చూసిన స్నేక్ హంటర్ షాక్ అయ్యాడు. మనుషులు ఆత్మహత్యలు చేసుకోవడం విన్నానే కానీ.. పాములు ఆత్మహత్య చేసుకోవడం తాను ఎప్పుడూ చూడలేదని హంటర్ చెప్పుకొచ్చాడు.