తప్పతాగి డ్యాన్స్ చేశారు.. గాల్లోకి కాల్పులు జరిపారు.. 13 ఏళ్ల కుర్రాడిని చంపేశారు..
మ్యూజిక్ విని ఫంక్షన్‌కు వెళ్ళిన 13ఏళ్ల పిల్లాడు ప్రాణాలు కోల్పోయాడు. ఈ ఘటన థానే సమీపంలోనే గైక్వాడ్ పాడలో చోటుచేసుకుంది. వేడుకలకు వచ్చిన ఓ బంధువు తప్పతాగి గాల్లోకి జరిపిన కాల్పుల్లో 13 ఏళ్ల బాలుడు మృత
మ్యూజిక్ విని ఫంక్షన్‌కు వెళ్ళిన 13ఏళ్ల పిల్లాడు ప్రాణాలు కోల్పోయాడు. ఈ ఘటన థానే సమీపంలోనే గైక్వాడ్ పాడలో చోటుచేసుకుంది. వేడుకలకు వచ్చిన ఓ బంధువు తప్పతాగి గాల్లోకి జరిపిన కాల్పుల్లో 13 ఏళ్ల బాలుడు మృతి చెందాడు. వివరాల్లోకి వెళితే.. ఐదు రోజుల పిల్లాడికి నామకరణం చేసే ఆ ఫంక్షన్‌ను చూసేందుకు పక్కింటి అబ్బాయి వెళ్ళాడు. అయితే ఆ ఫంక్షన్‌కు వచ్చిన వారంతా తప్పతాగి డ్యాన్స్ చేశారు. వీరిలో ఓ బంధువు గాల్లోకి కాల్పులు జరపడంతో పొరపాటున అక్కడే ఉన్న పక్కింటి బాలుడిపై తీవ్రంగా గాయపడ్డాడు.
అయితే ఈ విషయాన్ని బాలుడి తల్లిదండ్రులకు చెప్పకుండా అతడిని ఆస్పత్రికి తరలించారు. వారికి ఆ పిల్లాడు తమ ఇంట్లోని నిద్రపోతున్నాడని నమ్మబలికారు. తీరా ఉదయం బాలుడు చనిపోయిన తర్వాత అతడి తల్లిదండ్రులకు సమాచారం ఇచ్చారు. అయితే వారంతా తప్పతాగి డ్యాన్స్ చేస్తూ చివరికి ఇంతటి అఘాయిత్యానికి దిగారని మృతుడి తండ్రి ఆరోపించారు. ఈ కేసులో ఇప్పటికే పోలీసులు ముగ్గురిని అరెస్టు చేశారు. సాక్ష్యాధారాలను మాయం చేసేందుకు ఇంట్లోని సీసీ వీడియో ఫూటేజిలను కూడా ధ్వంసం చేసినట్టు పోలీసులు వెల్లడించారు.