పోషకాలు అధికంగా ఎందులో ఉన్నాయని చెప్పాలంటే అది క్యాబేజీనే. క్యాబేజీలు ఎరుపు, వంకాయ, తెలుపు, పచ్చ రంగుల్లో చూడడానికి చాలా ముచ్చటగా ఉంటాయి. క్యాబేజీలో విటమిన్స్, మినరల్స్ అధిక మోతాదులో ఉన్నాయి. ఇందులో క్యాలరీలు చాలా తక్కువగా ఉంటాయి. ఒక కప్పు క్యాబేజీలో శరీరానికి కావలసిన విటమిన్ ఎ, బి6, యాంటీ ఆక్సిడెంట్స్, ఐరన్ ఉన్నాయి.
పైన తెలిపిన వన్నీ ఎముకల బలానికి ఎంతో దోహదపడుతాయి. క్యాబేజీలోని విటమిన్ సి గుండె సంబంధిత వ్యాధులు, క్యాన్సర్ వంటి రోగాల నుండి కాపాడుతుంది. క్యాబేజీ తీసుకోవడం వలన రక్తంలోని గ్లూకోజ్ స్థాయిలు కంట్రోల్లో ఉంటాయి. వారంలో రెండుసార్లైన క్యాబేజీతో తయారు చేసిన ఆహార పదార్థాలు తీసుకుంటే జీర్ణవ్యవస్థ పనితీరు మెరుగుపడుతుంది.
క్యాబేబీ తీసుకుని దానిని చిన్న చిన్నగా కట్ చేసుకోవాలి. ఆపై బాగా కడిగి అందులో ఉప్పు వేసి కాసేపు ఉడికించుకోవాలి. ఆ తరువాత నూనె ఆవాలు, కరివేపాకు, ఎండుమిర్చి పొడి, కొబ్బరి తురుము వేసి కాసేపు వేయించుకుని ఆపై ఉడికించిన క్యాబేజీ వేసి మరికాసేపు వేయించుకోవాలి. ఈ మిశ్రమంలో వేడివేడి అన్నం కలిపి తీసుకుంటే నోటికి రుచిగా చాలా బాగుంటుంది. జ్యూస్ రూపంలో కాకపోయినా ఇలా వేపుడుగా తింటే.. స్త్రీలలో వచ్చే రుతుక్రమ సమస్యలు తొలగిపోతాయి.