సోడా లేదా చక్కెర పానీయాలకు ఆరోగ్యకరమైన ప్రత్యామ్నాయం కోసం చూస్తున్నట్లయితే, పుదీనా నీరు అద్భుతమైన పరిష్కారం. పుదీనా నీరు ఒక సాధారణ, రిఫ్రెష్ పానీయం. వేసవిలో ఇది గణనీయమైన ఆరోగ్య ప్రయోజనాలను అందిస్తుంది. ఇందులో చక్కెర లేదు, కెఫిన్ లేదు, చాలా తక్కువ కేలరీలు ఉంటాయి.
పుదీనా ఆకులను వేడి నీటిలో నింపి, ఆపై మీకు ఇష్టమైన ఉష్ణోగ్రతకు చల్లబరచడం ద్వారా ఇంట్లో పుదీనా నీరు తయారు చేసుకోవచ్చు. పుదీనా టీ, సాస్, డెజర్ట్స్ తదితరాలన్నిటిలోనూ ఒక పదార్ధంగా ప్రసిద్ది చెందింది.
పుదీనా నీరు త్రాగటం ఆరోగ్యానికి మేలు చేస్తుందని పలు అధ్యయనాలు సూచిస్తున్నాయి. పావు కప్పు తాజా పుదీనాతో చేసిన పుదీనా నీటిలో 12 కేలరీలుంటాయి. ప్రోటీన్, కొవ్వు, కార్బోహైడ్రేట్లు,
ఫైబర్, చక్కెర అస్సలు వుండవు. ఐతే సోడియం 8 మిల్లీ గ్రాములుంటుంది.
ఇందులో యాంటీ ఆక్సిడెంట్లు, ఇనుము, మాంగనీస్, ఫోలేట్, విటమిన్ ఎ వంటి వాటికి అద్భుతమైన మూలం. విటమిన్ ఎ కంటిశుక్లం, విరేచనాలు, మీజిల్స్, రొమ్ము క్యాన్సర్ వంటి పరిస్థితుల ప్రమాదాన్ని తగ్గిస్తుందని పరిశోధనలో తేలింది.