వాము నుంచి తీసిన నూనె కీళ్లనొప్పుల్ని తగ్గిస్తుందట.. ఆల్కహాల్‌పై కోరికను తగ్గిస్తుందట
వాము నుంచి తీసిన నూనె కీళ్లనొప్పుల్ని తగ్గిస్తుందని ఆయుర్వేద నిపుణులు అంటున్నారు. ఒకటి రెండు చుక్కల నూనె చెవినొప్పినీ ఇన్ఫెక్షన్లనీ కూడా తగ్గిస్తుంది. వాము తినడం వల్ల ఆల్కహాల్ తాగాలనే కోరిక కూడా తగ్గు
వాము నుంచి తీసిన నూనె కీళ్లనొప్పుల్ని తగ్గిస్తుందని ఆయుర్వేద నిపుణులు అంటున్నారు. ఒకటి రెండు చుక్కల నూనె చెవినొప్పినీ ఇన్ఫెక్షన్లనీ కూడా తగ్గిస్తుంది. వాము తినడం వల్ల ఆల్కహాల్ తాగాలనే కోరిక కూడా తగ్గుతుందట. జలుబుతో ముక్కు బాగా బిగిసిపోయి వుంటే వామును నూరి పలుచని బట్టలో కట్టి వాసన చూపిస్తే అది తగ్గుతుందట.
గోరువెచ్చని నీళ్లతో కలిపి తింటే దగ్గుకీ ఉపశమనంగా ఉంటుంది. ఆస్తమాకీ వాము మంచి మందే. వామునీళ్లని పుక్కిలిపట్టడంవల్ల పంటినొప్పీ తగ్గుతుంది. వాముని తేనెతో కలిపి వరసగా పదిరోజులపాటు తీసుకుంటే మూత్రపిండాల్లో రాళ్లు కరిగే అవకాశం ఉందట.
వాము కడుపునొప్పికి తక్షణ మందులా పనిచేస్తుంది. గోరువెచ్చని నీళ్లలో కలిపి తాగినా ఓ టీస్పూను వేడి అన్నంలో కలిపి తిన్నా అజీర్తి తగ్గి ఆకలి పెరుగుతుంది. గ్యాస్‌ సంబంధిత సమస్యలూ తగ్గుతాయని ఆరోగ్య నిపుణులు అంటున్నారు.
వాంతులు: వామును నీళ్లలో నానబెట్టి ఆ నీటిలో కొద్దిగా ఉప్పు కలిపి తాగితే వాంతులు తగ్గుతాయి.
జ్వరం: వాము, ధనియాలు, జీలకర్ర - ఈ మూడింటినీ దోరగా వేయించి కషాయం చేసి తీసుకుంటే జ్వరం తగ్గుతుంది.
అజీర్ణం: వాము, మిరియాలు, ఉప్పు సమభాగాలుగా తీసుకుని, చూర్ణం చేసి ప్రతిరోజూ భోజనానికి ముందు సేవిస్తుంటే అజీర్ణం, ఉదరశూల తగ్గుతాయి.
దంత వ్యాధులు: వామును త్రిఫలాలనే కరక్కాయ, ఉసిరికాయ, తానికాయ లతో కలిపి ముద్దగా నూరి దంతాల మూలాలలో పెట్టుకుంటే అన్ని రకాలైన దంత వ్యాధులు తగ్గుతాయి.
వాత వ్యాధులు: వాము నూనె అన్ని వాత వ్యాధులకు ఎంతో ఉపయోగకారి.