బిగుతుగా ఉండే జీన్స్ వేసుకుంటున్నారా...?

చాలామంది అమ్మాయిలు, అబ్బాయిలు బిగుతుగా ఉండే జీన్స్ వేసుకుంటారు. వీటివలన ఎంతో అసౌకర్యంగా ఉంటుంది. అంతేకాదు.. శరీరం లోపల నరాల వ్యవస్థ కూడా దెబ్బ తింటుంది. రక్త ప్రసరణ సమస్యలు ఎదురవుతాయి. అందుకే ఫ్యాషన్స్‌ని అనుసరించకూడదని నిపుణులు సూచిస్తున్నారు. కానీ అవి మీ శరీరానికి హాని చేయకుండా జాగ్రత్త పడాలి. లేదంటే కష్టమే అంటున్నారు.

బిగుతుగా ఉండే జీన్స్, టాప్స్, హై హీల్స్ ఇవన్నీ శరీరానికి హాని చేస్తాయి. బరువు ఎక్కువగా ఉండే బ్యాగులు, ల్యాప్‌టాప్ బ్యాగుల వలన వెన్నునొప్పి తప్పదు. హ్యాండ్ బ్యాగ్‌ల్లో ఐపాడ్, మొబైల్ ఫోన్, మేకప్ కిట్, వాటర్ బాటిల్, పుస్తకాలు.. ఇలా ఎన్నో ఉంటాయి. ఇంత బరువు మోయడం వలన భుజాల నొప్పి, మెడ నొప్పి వస్తాయి. 

బరువున్న బ్యాగును భుజానికి ఒకవైపే తగిలించుకోవడం వలన కూడా వెన్నుపూస వంగిపోయినట్టు మెడనొప్పి, వెన్ను నొప్పి వస్తాయి. బ్యాక్ ప్యాక్‌ వల్ల పిల్లల్లో వెన్ను, భుజాల నొప్పి తప్పదని వైద్యులు హెచ్చరిస్తున్నారు. అందుకే తేలికపాటి బ్యాగులను ఎంచుకోవడం.. జీన్స్ బిగుతుగా వేయకుండటం ద్వారా ఆరోగ్యానికి ఎంతో మేలు చేకూర్చుకోవచ్చునని వారు చెబుతున్నారు.