సాధారణంగా మనం రకరకాల డ్రై ప్రూట్స్ తింటూ ఉంటాం. వాటిలో ముఖ్యమైనవి పిస్తాపప్పు. పిస్తాలో పోషక పదార్థం ఎక్కువ. పొటాషియం అత్యధికంగా లభిస్తుంది. శరీరములో ద్రవాల నియంత్రణకు పొటాషియం పనికొస్తుంది. దీనిలో ఉండే బి 6 ప్రోటీన్ల తయారీ, శోషణములో ఉపయోగపడుతుంది.
మిగిలిన ఎండు పండ్లతో పోలిస్తే పిస్తాలో కేలరీలు ఎక్కువ ఉన్నందున ఇవి గుండె జబ్బులను తగ్గించే గుణం కలిగి ఉన్నాయి. కేన్సర్ రాకుండా కాపాడతాయి. పిస్తాలో మోనో శాచ్యురేటెడ్ క్రొవ్వులు అధికంగా ఉన్నందున ఎక్కువగా తినకూడదు. వారంలో 15 - 20 గ్రాములు మించి తీసుకోకూడదు. రక్తంలో కొలెస్టిరాల్‌ను తగ్గిస్తాయి. అతి తక్కువ తిన్నా కడుపు నిండినట్లుగా ఉంటుంది. అందువల్ల ఆహారము తక్కువగా తీసుకోవడం జరుగుతుంది. పొట్టను పెరగనీయదు. దీని ప్రయోజనాలు ఏమిటో చూద్దాం.
1. మిగతా నట్స్‌కన్నా ఎక్కువ ప్రోటీన్‌ శాతం ఉంది. ఇందులో ఫైబర్‌ కూడా ఎక్కువే.
2. పిస్తాలో విటమిన్‌ బి6 సమృద్ధిగా ఉంటుంది. దీనిలో చర్మానికి మేలు చేసే విటమిన్‌ ఇ సమృద్ధిగా లభిస్తుంది.
3. క్రమంతప్పకుండా ఈ పిస్తాపప్పు తినడం వలన రోగనిరోధకశక్తి పెరుగుతుంది.
4. పిస్తాలో పొటాషియం, ఫాస్ఫరస్‌, మెగ్నీషియం ఎక్కువుగా ఉంటాయి. జీర్ణశక్తిని మెరుగుపరిచే థియామిన్‌ పిస్తాలో ఎక్కువుగా ఉంటుంది.
5. కంటికి అత్యంత అవసరమైన 'ల్యూటిన్‌' మరియు 'జియాజాంథిన్‌' ఇందులో ఉండటం వలన కళ్లు ఎంతో తేజోవంతంగా కనిపిస్తాయి.