మీరు మీ ఆరోగ్యం గురించి జాగ్రత్తలు పాటించాలి. మీరు తీసుకునే ఆహారంలో కార్బోహైడ్రేట్స్ ఉండేలా చూసుకోవాలి. ఇవి శరీరానికి ఎంతో మేలు చేస్తాయి. ఆరోగ్యంగా ఉండేందుకు ద్రవ పదార్థాలను ఎక్కువగా సేవించకూడదు. రాత్రివేళ తీసుకునే ఆహారం చాలా తక్కువగా ఉండేలా చూసుకోవాలి. మీరు తీసుకునే ఆహారాన్ని బాగా నమిలి తినాలి. అప్పుడే తిన్న ఆహారాలు జీర్ణమవుతాయి.
మధ్యాహ్నం, రాత్రి భోజనం చేసే ముందు సలాడ్ తీసుకోవాలి. ఒకేసారి ఎక్కువగాను లేదా మరీ తక్కువగాను ఆహారాన్ని భుజించకండి. సమపాళ్ళల్లోనున్న ఆహారాన్ని భుజించండి. గోధుమ పిండిని జల్లెడ పట్టకుండా రొట్టెలు చేసుకుని తినాలి. ఎందుకంటే ఇందులోనున్న పీచు పదార్థం శరీరానికి చాలా మంచిది. కూరగాయలను ఒలచకుండా సాధారణంగా స్క్రబ్ చేయండి.
వీలైనంత మేరకు ఫాస్ట్ ఫుడ్‌ను తీసుకోకుండా ఉండేందుకు ప్రయత్నించండి. ఉప్పును చాలా తక్కువగా ఉపయోగించేందుకు ప్రయత్నించండి. వయసు పెరిగేకొద్దీ ఆహార నియమాలను పాటించండి. వీలైనంత తక్కువగా ఆహారాన్ని సేవించేందుకు ప్రయత్నించాలి. మీరు తీసుకునే ఆహారంలో పసుపు, నారింజ, ఆకుపచ్చ రంగుల్లోనున్న కూరగాయలను తప్పక సేవించాలి. ప్రతి రోజూ పండ్లు తినాలి. కనీసం రోజుకు ఒక పండునైనా ఆహారంగా తీసుకోండి.