గ్రీన్ టీ గురించి మీరు ఇది వరకే విని ఉంటారు. గ్రీన్ టీ నిత్యం తాగడం వల్ల మనకు ఎలాంటి లాభాలు కలుగుతాయో తెలిసిందే..గ్రీన్ టీ తాగడం వల్ల అధిక బరువు తగ్గుతారు. శరీరంలో ఉన్న చెడు కొలెస్ట్రాల్ కరుగుతుంది. గుండె జబ్బులు రాకుండా ఉంటాయి.
అయితే గ్రీన్ టీ శరీరానికి మంచిదే కదా అని చాలా మంది పనికట్టుకుని కప్పుల కొద్దీ గ్రీన్ టీని నిత్యం తాగుతుంటారు. నిజానికి అది మంచిది కాదు. దాని వల్ల ఆరోగ్యకర ప్రయోజనాలు కలగకపోగా అనారోగ్య సమస్యలు తలెత్తుతాయి. మరి గ్రీన్ టీ ఎక్కువగా తాగడం వల్ల ఎలాంటి అనారోగ్య సమస్యలు వస్తాయో ఓ సారి చూడండి..!
* గ్రీన్ టీని అధికంగా తాగడం వల్ల జీర్ణాశయంలో ఆమ్లాలు ఎక్కువగా ఉత్పత్తి అవుతాయి. ఫలితంగా ఎసిడిటీ వస్తుంది. అంతేకాకుండా జీర్ణక్రియ మందగిస్తుంది.
* గ్రీన్ టీ ఎక్కువగా తాగితే నిద్రలేమి సమస్య వస్తుంది. కాబట్టి గ్రీన్ టీని నిత్యం 2 లేదా 3 కప్పులకు మించకుండా తాగాలి.
* గ్రీన్ టీ అధికంగా తాగడం వల్ల మన శరీరంలో హార్మోన్ల పనితీరు సమతుల్యత దెబ్బ తింటుంది. ప్రధానంగా హార్మోన్ల సమస్యలు వస్తాయి.
* గ్రీన్ టీ ఎక్కువగా తాగితే మనం తింటున్న ఆహారంలో ఉండే పోషకాలను శరీరం ఎక్కువగా శోషించుకోలేదు.
* గ్రీన్ టీని అధికంగా తాగడం వల్ల హైబీపీ వస్తుంది. దీంతో పాటు రక్తప్రసరణ వేగంగా జరుగుతుంది. గుండె కొట్టుకునే వేగం పెరుగుతుంది.