నల్లకోడి మాంసం తిన్నారా..? అసలు నల్లకోడి మాంసం ఎక్కడ అమ్ముతున్నారు.. బ్రాయిలర్ చికెనే కదా తీసుకుంటున్నాం.. అంటున్నారు కదూ.. అయితే ఈ స్టోరీ చదవండి. హోటళ్లు, రెస్టారెంట్లలో వారంతపు రోజుల్లో నల్లకోడి చిక
నల్లకోడి మాంసం తిన్నారా..? అసలు నల్లకోడి మాంసం ఎక్కడ అమ్ముతున్నారు.. బ్రాయిలర్ చికెనే కదా తీసుకుంటున్నాం.. అంటున్నారు కదూ.. అయితే ఈ స్టోరీ చదవండి. హోటళ్లు, రెస్టారెంట్లలో వారంతపు రోజుల్లో నల్లకోడి చికెన్‌కు ప్రస్తుతం డిమాండ్ పెరిగిపోతోంది. ఒక్కసారి నల్లకోడి కూర టేస్ట్ చేస్తే.. మళ్లీ మళ్లీ తినాలనిపిస్తుంది.
ఈ నల్లకోడి కూరలో పోషకాలు పుష్కలం. కొవ్వు స్వల్పం. మాంసకృత్తులు కూడా పుష్కలం. బ్లాక్ చికెన్, కాలామసి అని పిలుచుకునే ఈ కోడిని కృత్రిమంగా బరువు పెంచలేరు. 20 వారాల పాటు పెరిగే ఈ కోడి కూరను టేస్ట్ చేస్తే.. మధుమేహం దూరమవుతుంది. ఈ కోడిలో 0.7 శాతం మాత్రమే కొవ్వు వుంటుంది. 18 శాతం వరకు మాంసకృత్తులు వుంటాయి.
అందుచేత రక్తపోటు మధుమేహం, హృద్రోగ సమస్యలతో బాధపడేవారికి ఇది ఆరోగ్యకరమైన ఆహారమని వైద్యులు సూచిస్తున్నారు. అయితే మార్కెట్లలో ఈ కోడి ధర రూ.450 వరకు వుంటుంది. ఈ కోడిని సన్నని సెగపై ఎక్కువ సేపు ఉడికించాలి. అలా చేస్తే ఎముకల్లోని గుజ్జు.. మాంసం రెండూ కలిసి.. అసలు రుచి బయటపడుతుంది. ఈ కోడి మధ్యప్రదేశ్ కడఖ్ నాథ్ ప్రాంతం నుంచి దక్షిణాది రాష్ట్రాలకు వచ్చేస్తున్నాయి. ఇక పెద్ద పెద్ద హోటళ్లలో ఈ కోడి మాంసం భోజన ప్రియులకు అందుబాటులో వుంటోంది.
ఆరోగ్య ప్రయోజనాలు..
* యాంటీయాక్సిడెంట్లు పుష్కలం-తద్వారా అనారోగ్య సమస్యలు దూరమవుతాయి. క్యాన్సర్ కారకాలు తొలగిపోతాయి.
* కంటిచూపును మెరుగుపరుస్తుంది. శరీరాన్ని చురుకుగా వుంచేందుకు తోడ్పడుతుంది.
* కండరాలకు బలాన్నిస్తుంది.
* రక్తంలోని చక్కెర స్థాయిల్ని నియంత్రిస్తుంది. తద్వారా డయాబెటిస్‌ను దూరం చేస్తుంది.
* బరువు తగ్గాలనుకునేవారికి తోడ్పడుతుంది. కొలెస్ట్రాల్‌ను పక్కనబెడుతుంది.