మధుమేహానికి దివ్యౌషధం మునగాకు.. పాలకంటే 16 రెట్లు..?

మునగాకులో పాలకంటే 16 రెట్లు అధికంగా క్యాల్షియం వుంటుంది. అందుకే వారానికి రెండుసార్లు మునగాకును తీసుకునే వారిలో ఎముకలు దృఢంగా మారుతాయి. మునగాకు ఎదిగే పిల్లలకు ఎంతో మేలుచేస్తుంది. దంత, ఎముకల సమస్యలను ని

మునగాకులో పాలకంటే 16 రెట్లు అధికంగా క్యాల్షియం వుంటుంది. అందుకే వారానికి రెండుసార్లు మునగాకును తీసుకునే వారిలో ఎముకలు దృఢంగా మారుతాయి. మునగాకు ఎదిగే పిల్లలకు ఎంతో మేలుచేస్తుంది. దంత, ఎముకల సమస్యలను నివారిస్తుంది. అలాగే అరటి పండ్ల కంటే 15 రెట్లు పొటాషియం మునగాకు ద్వారా అందుతుంది. దీంతో హృద్రోగాలను దూరం చేసుకోవచ్చు. 

శరీరంలో రక్తప్రసరణను మెరుగుపరుచుకోవచ్చు. మున‌గాకును రోజూ ఉద‌యాన్నే ప‌ర‌గ‌డుపున తింటున్నా లేదంటే మున‌గ ఆకుల‌ను ఎండ‌బెట్టి పొడి చేసి ఆ పొడిని రోజూ తీసుకుంటున్నా మధుమేహం దరిచేరదు. రోజుకు ఏడు గ్రాముల మునగాకు పొడిని మూడు నెలల పాటు తీసుకుంటే రక్తంలో చక్కెర లెవల్స్ తగ్గాయని ఇప్పటికే పలు పరిశోధనలు తేల్చాయి. వీటిలో ఉండే క్లోరోజెనిక్‌ యాసిడ్‌ ద్వారా బ్లడ్‌లో షుగర్‌ లెవల్స్‌ని అదుపులో ఉంచవచ్చు. మునగాకు ఐదు రకాల క్యాన్లర్లకు దివ్యౌషధంగా పనిచేస్తుంది. 

అలాగే లంగ్‌, లివర్‌, ఒవేరియన్‌, మెలానోమా వంటి క్యాన్సర్లను నిరోధించడంలో మునగాకు ఎంతో మెరుగ్గా పనిచేస్తుంది. థైరాయిడ్‌ను క్రమబద్ధీకరించే సహజమైన మందుగానూ మునగాకు పనిచేస్తుంది. అలాగే మునగాకు రసాన్ని రోజూ తాగితే దృష్టి మాంద్యం, రేచీకటి తగ్గుతాయి. గర్భిణీ మహిళలకు, బాలింతలకు మునగాకు రసం ద్వారా ఎంతో మేలు చేకూరుతుంది. మునగాకు రసాన్ని పాలల్లో క‌లిపి పిల్లలకు అందిస్తే ఎముకలు బలంగా తయారవుతాయని ఆయుర్వేద నిపుణులు సూచిస్తున్నారు.