ఎఫ్ 1 కారు తయారీ ఖర్చు ఎంతో తెలుసా ?

ప్రపంచవ్యాప్తంగా ప్రతిష్టాత్మకంగా నిర్వహించే కార్ రేస్ ఎఫ్1. రెప్పపాటులో కిలోమీటర్ల దూరం దూసుకెళ్లే వేగం, ప్రమాదకరమైన మలుపులు, పరీక్షించే ట్రాక్‌లు, పోటీపడే ప్రత్యర్థులు... ఫార్ములా వన్‌ను తలచుకోగానే ఈ దృశ్యాలే కనిపిస్తాయి. అయితే ఈ ఫార్ములా వన్ రేసింగ్ గురించి నివ్వెరపోయే వాస్తవాలను ఇప్పుడు తెలుసుకుందాం. 

* ఎఫ్1 ఛాంపియన్‌షిప్ రేసులో ఫెరారీ, రెడ్‌బుల్ మెర్సిడెజ్ వంటి కంపెనీల కార్లు పాల్గొనడం కోసం ఆ కంపెనీలు ఒక్కొక్కటి దాదాపు 3000 కోట్ల రూపాయలు ఖర్చు చేస్తాయి. ఎఫ్ 1 రేసులో విజేతగా నిలిచిన డ్రైవర్‌కు నగదు బహుమతి కూడా భారీ స్థాయిలోనే ఉంటుంది.

* ఎఫ్ 1 రేసులో ట్రాక్ మీద పోటీపడే కారు ధర దాదాపు 100 కోట్ల రూపాయలు, దానికి ఇతర విడి భాగాలు చేర్చితే ఆ ఖర్చు మరింత పెరుగుతుంది.

* ఎఫ్ 1 కారు జీవితకాలం రెండు గంటలు మాత్రమే, రెండు గంటల తర్వాత ఆ కారు రేసింగ్‌కు పనికిరాదు.

* ఒక ఎఫ్ 1 కారును తయారు చేయాలంటే దాదాపు 80 వేల విడి భాగాలను కలపాలి. వీటిలో ప్రతి భాగాన్ని చాలా జాగ్రత్తగా అమర్చాలి లేకుంటే ట్రాక్‌పైన ప్రమాదం జరిగే అవకాశం ఉంటుందట.

* ఎఫ్ 1 కారు కేవలం నాలుగు సెకన్లలోనే 160 కి.మీ వేగాన్ని అందుకుంటుంది, అలాగే అదే నాలుగు సెకన్లలో తిరిగి 0 వేగానికి రాగలదు.

* రేసింగ్‌లో  పాల్గొనే సమయంలో అధిక ఉక్కపోత కారణంగా చెమట ఎక్కువగా పట్టడంతో రేసు పూర్తయ్యే సరికి ఒక డ్రైవర్ సగటున నాలుగు కిలోల బరువు తగ్గుతాడు.

* ఒక ఎఫ్ 1 కారు రేస్ ట్రాక్ మీదకు రావాలంటే దాదాపు 1000 మంది సిబ్బంది శ్రమించాలి.