అనువ్ జైన్ హిందీ బల్లాడ్ అర్జ్ కియా హైతో తన సంగీత ప్రయాణాన్ని కొనసాగిస్తున్న కోక్ స్టూడియో భారత్

భారతదేశం యొక్క వైవిధ్యమైన సంగీత వారసత్వాన్ని జరుపుకుంటూ ముందుకు సాగుతున్న కోక్ స్టూడియో భారత్, సీజన్ 3లో ఐదవ గీతం అర్జ్ కియా హైతో ప్రేక్షకులను మరోసారి అలరిస్తోంది. భారతదేశపు అత్యంత ఆదరణ పొందిన గాయకుడు-పాటల రచయితలలో ఒకరైన అనువ్ జైన్ రూపొందించి, రాసి, స్వరపరచి, స్వయంగా ఆలపించిన ఈ గీతం ప్రేమ, దూరం, చెప్పలేని భావోద్వేగాల నిశ్శబ్ద నొప్పిని సున్నితంగా ప్రతిబింబిస్తుంది. తన ప్రత్యేక హృదయపూర్వక కథన శైలితో, అనువ్ జైన్ వేచి ఉండటంలోని

నాజూకుతనం, నిశ్శబ్దపు భారాన్ని, సున్నితత్వంలోని అందాన్ని కవితాత్మకంగా ఆవిష్కరించారు.

ఆర్జ్ కియా హై ఒక సన్నిహిత సంభాషణలా ముగుస్తుంది, ఇక్కడ కోరిక కవిత్వమై ప్రతి విరామంలో భావోద్వేగాలు నిలిచిపోతాయి. సరళమైనా ప్రేరేపించే సాహిత్యం సమయానికి వేలాడుతున్న ప్రేమ చిత్రాన్ని గీస్తుంది. సమాధానాల కోసం వెతికే కళ్ళు, చెప్పని పదాలు, హృదయాలను కట్టిపడేసే శాశ్వత ఆశ. భారతీయ ఎలక్ట్రానిక్ ద్వయం లాస్ట్ స్టోరీస్ (రిషబ్ జోషి) తన సమగ్రమైన సంగీత నిర్మాణం, ఆత్మీయ హార్మోనికాతో ట్రాక్‌కు మాయాజాలంలాంటి వాతావరణాన్ని అందిస్తుంది.

రుతుపవనాల సున్నితమైన ఆలింగనానికి ప్రతిస్పందనగా రూపుదిద్దుకున్న ఈ హిందీ బల్లాడ్, భారతీయ కవితా వారసత్వానికి ప్రతీకగా నిలుస్తుంది. అనువ్ తన గిటార్ తీగలను మృదువుగా ఆలపించిన క్షణంలో, కోక్ స్టూడియో భారత్ ఈ భావాన్ని లోతైన సరళత, లీనమయ్యే విజువల్స్, ఆత్మను తాకే సౌండ్స్కేప్‌తో సజీవంగా చిత్రిస్తుంది పాట ఆత్మను ప్రతిబింబిస్తూ.

మిస్టర్. శంతను గంగానే, IMX లీడ్, కోకా-కోలా ఇండియా ఇలా అన్నారు, ఈ సీజన్‌లో ప్రతి పాటతో కోక్ స్టూడియో భారత్, భారతీయ సంగీత భూభాగపు సరిహద్దులను విస్తరిస్తోంది. కళాకారులకు ప్రయోగాలు చేయడానికి, కొత్త ఆవిష్కరణలను ముందుకు తీసుకురావడానికి స్వేచ్ఛను ఇస్తూ, 'ఆర్జ్ కియా హై' శక్తివంతమైన స్వరాలు, ప్రామాణికమైన కథనాలను ఒకే వేదికపై ఎలా మేళవించిందో చాటిచెబుతోంది. భారతదేశంలోని అనేక కథలను వారి అభిమానులతో పంచుకోవడానికి కోక్ స్టూడియో భారత్‌ను సరిగ్గా సరిపోయే వేదికగా నిలపడం మా లక్ష్యం. ఆర్జ్ కియా హై నిజమైన అనుసంధానాన్ని కలిగించే సంగీతాన్ని సృష్టించే ఆ ప్రయాణంలో ఒక ముఖ్యమైన అడుగుగా నిలుస్తుంది.

మిస్టర్. అనువ్ జైన్, సింగర్-సాంగ్ రైటర్ & కంపోజర్ ఇలా తెలిపారు, కోక్ స్టూడియో భారత్ ప్రతి పాటకు తన అసలు సారాన్ని నిలబెట్టుకునే స్వేచ్ఛను ఇస్తుంది, అర్జ్ కియా హై దానికి ప్రతిబింబం. నా దృష్టిలో ఈ గీతం యొక్క హృదయం దాని సాహిత్యంలోనే ఉంది. ఈ పాట సాహిత్యం మనం తరచూ పలకని, కానీ నిశ్శబ్దంలో నిక్షిప్తమైన భావాలను మోసుకెళ్తుంది. దీనిని సృష్టించి ఆలపించడం అనేది సంకోచం నీడలు, ఆశ వెలుగుల మధ్య విరజిమ్మే ఆ మృదువైన స్థలాన్ని స్పృశించడమే. అందువల్ల శ్రోతలు పదాలను మాత్రమే కాదు, వాటి నిశ్శబ్దంలో దాగి ఉన్న ఆత్మనిశ్చయాన్ని కూడా ఆస్వాదిస్తారు.

ప్రతి విడుదలతో, కోక్ స్టూడియో భారత్ ప్రేక్షకులను వైవిధ్యమైన సంగీత అనుభవాల లోకంలోకి తీసుకెళ్తుంది. వివిధ శైలులు, ప్రాంతాల కళాకారుల స్వరాలు, కథలు సంస్కృతుల మధ్య అనుసంధానించబడతాయి. జానపదపు జాడల నుంచి సమకాలీన ప్రతిధ్వనుల వరకు, చివరి స్వరం మసకబారిన తర్వాత కూడా భావోద్వేగాలను మేల్కొలిపే వేదికగా ఇది నిలిచింది. సీజన్ 3 ముందుకు సాగుతున్న కొద్దీ, భారత సంగీత భూభాగం యొక్క లోతు, వైవిధ్యాలను జరుపుకోవడంలో కోక్ స్టూడియో భారత్ తన అచంచల నిబద్ధతను మరోసారి ధృవీకరిస్తుంది.