మెగాస్టార్‌ను పవర్ స్టార్ మించాడా..? 20 ఏళ్ళ పవన్ సినీ కెరీర్ పైన...
పవన్ కళ్యాణ్‌.. ఈ పేరు చిరంజీవి తర్వాత విన్పించేది. అప్పట్లో చిరంజీవి పేరు వుపయోగించుకుని సినీ రంగంలోకి వచ్చినా.. ఆ తర్వాత స్వంతంగా ఎదిగిన కెరటం పవన్ కళ్యాణ్‌. దసరాతో సినీ ఎంట్రీ ఇచ్చి 20 ఏళ్ళు. పవన
పవన్ కళ్యాణ్‌.. ఈ పేరు చిరంజీవి తర్వాత విన్పించేది. అప్పట్లో చిరంజీవి పేరు వుపయోగించుకుని సినీ రంగంలోకి వచ్చినా.. ఆ తర్వాత స్వంతంగా ఎదిగిన కెరటం పవన్ కళ్యాణ్‌. దసరాతో సినీ ఎంట్రీ ఇచ్చి 20 ఏళ్ళు. పవన్ అభిమానులంతా సంబరాలు చేసుకుంటూ తమ అభిమాన హీరో సినిమాలను తల్చుకుంటున్నారు. తొలిప్రేమ, ఖుషీ, గబ్బర్‌ సింగ్‌, అత్తారింటికి దారేది వంటి చిత్రాలతో ఇమేజ్‌ను సంపాదించుకున్న పవన్.. ఏకంగా రాజకీయాలల్లో కీలక వ్యక్తిగా మారాడు. తూర్పు గోదావరి ప్రజలు పవన్ పోస్టర్‌ను వెరైటీగా తయారుచేసి సంబరాలు జరుపుకున్నారు.
కాగా ,ఒక్కసారి ఆయన కెరీర్‌ను పరిశీలిస్తే ఎన్నో విషయాలు ఆసక్తికరంగా వుంటాయి. ఈ ఇరవై ఏళ్ళల్లో చిరు సోదరుడిగా పవన్ సాధించింది ఏంటి? అని పరిశీలిస్తే... దానికి సమాధానం 'చాలానే' అని వస్తుంది. భారీ అంచనాల నడుమ వచ్చిన పవన్, తొలినాళ్ళలో మెగా అభిమానులను ఆకట్టుకోనప్పటికీ, అంచలంచెలుగా ఎదుగుతూ తనకంటూ ప్రత్యేక సామ్రాజ్యాన్ని స్థాపించుకున్నారు. టాలీవుడ్‌కు 'పవర్ హబ్‌'గా మారిపోయారు.
ఒకప్పుడు ఇండస్ట్రీలో అంతా మెగాస్టార్‌ నామ జపం చేసేవారు, కానీ ప్రస్తుతం మెగాస్టార్‌ ఉండగానే, పవన్ నామ జపం చేస్తున్నారంటే ఏ విధమైన ప్రభావం చూపించాడో అర్థం చేసుకోవచ్చు. అయితే, ఇదేదో ఒక్కరోజులో జరిగింది కాదు. అయితే.. నటునితో పాటు వ్యక్తిత్వం ఆయనకు విశేషమైన సంఖ్యలో అభిమాన గణాన్ని తెచ్చిపెట్టింది. అదే ఇతర హీరోల నుండి పవన్‌ను వేరుచేసింది. అదే రాజకీయ పార్టీని పవన్ స్వయంగా నడిపించుకునేటంత. 'పవర్ స్టార్' నుండి 'జనసేన' అధినేతగా మారిన వైనం అందరికీ ఆదర్శప్రాయం.
అలాగే ఒక సినీ 'వారసుడి'గా ఎంట్రీ ఇచ్చి, ఆ 'వారసత్వం' అనే మాటను మరిచిపోయేటంతగా పవన్ ప్రభావం ప్రేక్షకులపై పడింది. రాజకీయాల్లో సమూల మార్పు కోసం తన జీవితాన్ని కేటాయిస్తానని, రాబోయే తరం కోసమే తన రాజకీయ జీవితం అంకితమంటూ పవన్ ప్రకటించిన విషయం తెలిసిందే. అందుకే వెంటవెంటనే ఈ ఏడాది మూడు సినిమాలు చేసేసి.. అవి వచ్చే ఏడాది రిలీజుకు సిద్ధమయిన తర్వాత రాజకీయాలపై దృష్టి సారిస్తారని ఆయన సన్నిహితులు చెబుతున్నారు. ఆ తర్వాత ఆయన రాజకీయ ముఖచిత్రం ఎలా వుంటుందో.. ప్రజలకు ఏమి మేలు చేస్తారో చూడాల్సిందే.