Webdunia - Bharat's app for daily news and videos

Install App

అరవింద్ కేజ్రీవాల్ జైల్లోనే ఉంటూ సీఎం బాధ్యతలు నిర్వర్తించవచ్చా?

ఠాగూర్
శుక్రవారం, 22 మార్చి 2024 (10:28 IST)
ఢిల్లీ లిక్కర్ స్కామ్‌లో ఢిల్లీ ముఖ్యమంత్రి అరవింద్ కేజ్రీవాల్‌ను ఈడీ అధికారులు అరెస్టు చేశారు. అయితే, ఆయన తన ముఖ్యమంత్రి పదవికి రాజీనామా చేయలేదు. పైగా, జైల్లో నుంచే తమ నేత ముఖ్యమంత్రి బాధ్యతలు నిర్వహిస్తారని ఆప్ నేతలు ప్రకటిస్తున్నారు. ఈ అంశంపై ఇపుడు రసవత్తర చర్చ సాగుతుంది. గతంలో అరెస్టు అయిన ముఖ్యమంత్రులు సీఎం పదవికి రాజీనామాలు చేశారని, ఇపుడు అరవింద్ కేజ్రీవాల్ మాత్రం తన పదవికి రాజీనామా చేయలేదు. దీంతో కేజ్రీవాల్ అరెస్టు తర్వాత ఏం జరుగుతుందనే పరిణామాలను కేంద్రం ఆరా తీస్తుంది. పైగా, గతంలో ముఖ్యమంత్రులు ఎవ్వరూ జైలు నుంచి పాలన సాగించినదాఖలాలు లేవని ఢిల్లీలోని తీహార్ జైలు ఉన్నతాధికారి ఒకరు తెలిపారు.
 
కేజ్రీవాల్ సీఎం పదవికి రాజీనామా చేయకపోతే ఎలాంటి పరిస్థితులు ఉత్పన్నమవుతాయనే పరిస్థితులపై కేంద్ర హోం శాఖ పరిశీలిస్తుంది. మరోవైపు, కేజ్రీవాల్ ఐఏఎస్ అధికారి కావడంతో ఆయనను ప్రభుత్వం సస్పెండ్ చేయాల్సి ఉంటుందని లేదా పదవి నుంచి తొలగించాల్సి ఉంటుందని న్యాయ నిపుణులు చెబుతున్నారు. అరెస్టుకు గురైన ప్రభుత్వ అధికారులకు కూడా ఇదే విధానం వర్తిస్తుందని, వెంటనే సర్వీస్ నుంచి సస్పెండ్ చేయొచ్చని సూచిస్తున్నారు. 
 
ఇదిలావుంటే, వుంటే అరవింద్ కేజ్రీవాల్‌కు కోర్టు రిమాండ్ విధిస్తే ఢిల్లీలోని తీహార్ జైలుకు తరలించే అవకాశాలు ఉన్నాయి. ఈ నేపథ్యంలో తీహార్ జైలుకు చెందిన ఉన్నతాధికారి ఒకరు స్పందిస్తూ గతంలో ముఖ్యమంత్రులు ఎవరూ జైలు నుంచి బాధ్యతలతు చేపట్టిన దాఖలాలు లేవన్నారు. పైగా, జైలు నిబంధనల్లో అలాంటి ప్రస్తావన లేదని, జైలులో ప్రతిదీ మాన్యువల్ ప్రకారమే జరుగుతుందని ఆయన వివరించారు. కాగా, ఆప్ నేతల్లో మరో కీలక నేత అయిన ఢిల్లీ మాజీ ఉప ముఖ్యమంత్రి మనీష్ సిసోడియా కూడా ఇదే కేసులో అరెస్టు అయి జైలులో ఉన్న విషయం తెల్సిందే. 

సంబంధిత వార్తలు

అన్నీ చూడండి

టాలీవుడ్ లేటెస్ట్

పారిశ్రామికవేత్త బర్త్‌డే పార్టీలో ఎంజాయ్ చేసిన టాలీవుడ్ స్టార్ హీరోలు

త్రిబాణధారి బార్బరిక్ లో సరికొత్త అవతారంలో ఉదయ భాను

అమ్మవారి జాతర నేపథ్యంగా జాతర- మూవీ రివ్యూ

రామ్ చ‌ర‌ణ్ గేమ్ చేంజర్ టీజ‌ర్ రిలీజ్‌కు 11 చోట్ల భారీ స‌న్నాహాలు

నాకు స్ఫూర్తి సూర్య నే : ఎస్ఎస్ రాజమౌళి - అవకాశం మిస్ చేసుకున్నా: సూర్య

అన్నీ చూడండి

ఆరోగ్యం ఇంకా...

ఎక్స్‌పైరీ డేట్ బిస్కెట్లు తింటే ఏమవుతుందో తెలుసా?

బెల్లీ ఫ్యాట్ కరిగిపోయేందుకు 7 సింపుల్ టిప్స్

పనీర్ రోజా పువ్వులతో మహిళలకు అందం.. ఆరోగ్యం..

వర్క్ ఫ్రమ్ ఆఫీసే బెటర్.. వర్క్ ఫ్రమ్ హోమ్ వల్ల ఒత్తిడి తప్పదా?

చీజ్ పఫ్ లొట్టలేసుకుని తింటారు, కానీ అవి ఏం చేస్తాయో తెలుసా?

తర్వాతి కథనం
Show comments