ఉత్తరప్రదేశ్ రాష్ట్రంలో ఓ దారుణ ఘటన జరిగింది. పోర్న్ వీడియోలకు బానిసైన ఓ యువకుడు కన్నతల్లి ఇంట్లో లేని సమయంలో సొంత చెల్లిపై అత్యాచారానికి పాల్పడ్డాడు. ఈ ఘటన రాష్ట్రంలోని కాస్‌గంజ్ నగరంలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, కస్‌గంజ్ జిల్లాలో ఈ నెల 3వ తేదీన తల్లి ఇంట్లో లేని సమయంలో నిందితుడు సంజూ కుమార్ మొబైల్ ఫోనులో పోర్న్ వీడియోలను చూశాడు. దీంతో చెల్లిపై అత్యాచారానికి పాల్పడ్డాడు. బాధితురాలు ఈ విషయం బయటకు చెబుతుందన భయంతో ఆమెను కొట్టి దారుణంగా హత్య చేశాడు. బాలిక బంధువు ఫిర్యాదు మేరకు స్థానిక పోలీసులు కేసు నమోదు చేసి నిందితుడిని అరెస్టు చేశారు.
ఘటన జరిగిన రోజు నిందితుడు సంజూ తల్లి ఆమె బంధువు ఇంటికి వెళ్లింది. సంజూ ఇంట్లో ఒంటరిగా ఉన్నారు. ఆ సమయంలో అతడు తన మొబైల్ ఫోనులో పోర్న్ వీడియోచూసి చెల్లిపై అత్యాచారానికి ఒడిగట్టారు. చివరకు ఆమెను హత్య చేశాడు అని పోలీసులు తెలిపారు. సంజూ వాడిన మొబైల్ ఫోనుతో పాటు అందులోని పోర్న్ వీడియోలను కూడా పోలీసులు స్వాధీనం చేసుకున్నారు. నిందితుడిని జైలుకు పంపించారు.