Webdunia - Bharat's app for daily news and videos

Install App

మియాపూర్‌లో దారుణం.. ఇంటిలోనే మహిళా టెక్కీ హత్య

ఠాగూర్
మంగళవారం, 1 అక్టోబరు 2024 (09:27 IST)
హైదరాబాద్ నగరంలో దారుణం జరిగింది. ఓ మహిళా టెక్కీ ఆమె ఉండే ఇంటిలోనే దారుణ హత్యకు గురైంది. తల్లి తాను పని చేస్తున్న పాఠశాలకు వెళ్లి సాయంత్రం ఇంటికి వచ్చి చూడగా ఈ ఘోరం బయటపడింది. తాజాగా వెలుగులోకి వచ్చిన ఈ వివరాలను పరిశీలిస్తే, హైదరాబాద్ నగరంలోని మియాపూర్‌లోని ఓ సాఫ్ట్‌వేర్ ఉద్యోగిని దారుణ హత్యకు గురైంది. ఆమె ఇంట్లోనే గుర్తు తెలియని దుండగులు పదునైన ఆయుధంతో పొడిచి చంపేశారు. ఈ ఘటన స్థానికంగా కలకలం సృష్టించింది. 
 
మియాపూర్ ఏసీపీ నరసింహారావు, సీఐ దుర్గారామలింగ ప్రసాద్ తెలిపిన వివరాల ప్రకారం... దీప్తిశ్రీనగర్ సీబీఆర్ ఎస్టేట్ 3ఏ బ్లాక్‌లో బండి స్పందన (29) అనే టెక్కీ తన తల్లి నమ్రతతో కలిసి ఉంటుంది. తల్లి స్థానికంగా ఉండే ఓ పాఠశాలలో పని చేస్తుంది. సోమవారం తల్లి నమ్రత తాను పని చేస్తున్న పాఠశాలకు వెళ్లగా, స్పందన మాత్రం ఒక్కటే ఇంట్లో ఉన్నది. 
 
మధ్యాహ్నం సమయంలో స్పందన సోదరి వచ్చి ఇంటి తలుపు తట్టినా తీయకపోవడంతో వెళ్లిపోయింది. సాయంత్రం పాఠశాల నుంచి తిరిగి వచ్చిన తల్లి కాలింగ్ బెల్ నొక్కినా, కుమార్తె సెల్ఫోన్‌కు కాల్ చేసినా స్పందించకపోవడంతో స్థానికుల సాయంతో తలుపు బద్దలు కొట్టి చూడగా అప్పటికే హత్యకు గురైఉంది. పదునైన ఆయుధంతో విచక్షణారహితంగా పొడిచినట్లు కనిపిస్తున్నా.. అక్కడ ఎటువంటి ఆయుధం లభించలేదని పోలీసులు తెలిపారు. నిందితులు తెలిసినవారా అనే కోణంలో విచారిస్తున్నామని ఏసీపీ తెలిపారు. అపార్టుమెంట్‌తో పరిసర ప్రాంతాల్లోని సీసీ పుటేజీని సేకరిస్తున్నామన్నారు.
 
కాగా, స్పందనకు గత 2022లో అదే కాలనీకి చెందిన వినయ్ కుమార్‌ అనే వ్యక్తితో ప్రేమ వివాహం జరిగింది. కానీ, యేడాది తర్వాత అంటే 2023లో తన భర్త వేధిస్తున్నాడంటూ స్పందన మియాపూర్ పోలీసులకు ఫిర్యాదు చేయడంతో కేసు నమోదైంది. అదేసమయంలో వీరి విడాకుల కేసు కూడా కోర్టులో విచారణలో ఉంది. ఈ పరిస్థితుల్లో స్పందన దారుణ హత్యకు గురికావడం వెనుక భర్త హస్తం ఉండివుండొచ్చన్న కోణంలో పోలీసులు విచారణ జరుపుతున్నారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

ఆర్య 2, ఆదిత్య 369 సినిమాలకు అంతక్రేజ్ దక్కలేదా?

సీతారాములు, రావణుడు అనే కాన్సెప్ట్‌తో కౌసల్య తనయ రాఘవ సిద్ధం

మరో వ్యక్తితో శృంగారం కోసం భర్తను మర్డర్ చేసే రోజులొచ్చాయి, నీనా గుప్తాకి రివర్స్ కామెంట్స్

Charmi: విజయ్ సేతుపతి, పూరి జగన్నాధ్ చిత్రం టాకీ పార్ట్ సిద్ధం

థియేట్రికల్ రిలీజ్ కు రెడీ అవుతున్న అరి’సినిమా

అన్నీ చూడండి

ఆరోగ్యం ఇంకా...

పిల్లలను స్క్రీన్ల నుంచి దూరంగా పెట్టండి.. అందుకు ఇలా చేయండి..

చిలగడదుంపలతో ఇన్ని ప్రయోజనాలు ఉన్నాయా?

బరువును తగ్గించే ఉల్లిపాయలు.. ఎలా తీసుకోవాలి?

సూపర్ ఫుడ్ తింటే ఉత్సాహం ఉరకలు వేస్తుంది

కిడ్నీలు వైఫల్యానికి కారణాలు ఏమిటి?

తర్వాతి కథనం
Show comments