జింబాబ్వేలో భారత్ పర్యటన: రేప్ కేసులో టీమిండియా క్రికెటర్ అరెస్టా.. ఏంటిది?

మూడు వ‌న్డేలు, మూడు టీ20ల సిరీస్‌లో భాగంగా ప్ర‌స్తుతం టీమిండియా హరారేలో ప‌ర్య‌టిస్తోన్న సంగతి తెలిసిందే. ఈ నేపథ్యంలో జింబాబ్వే పర్యటనలో ఉన్న టీమిండియాకు కష్టాలొచ్చాయి. ఓ అత్యాచార కేసులో భాగంగా టీమిండి

మూడు వ‌న్డేలు, మూడు టీ20ల సిరీస్‌లో భాగంగా ప్ర‌స్తుతం టీమిండియా హరారేలో ప‌ర్య‌టిస్తోన్న సంగతి తెలిసిందే. ఈ నేపథ్యంలో జింబాబ్వే పర్యటనలో ఉన్న టీమిండియాకు కష్టాలొచ్చాయి. ఓ అత్యాచార కేసులో భాగంగా టీమిండియా-జింబాబ్వే సిరీస్ స్పాన్సర్లలో ఒక బ్రాండుకు సంబంధించిన అధికారిని పోలీసులు అరెస్ట్ చేయడం కలకలం సృష్టించింది. కానీ అత్యాచార కేసులో ఓ టీమిండియా క్రికెటర్‌ను అరెస్ట్ చేశారంటూ జింబాబ్వే మీడియా కోడైకూయడం సంచలనం సృష్టించింది. 

కానీ జింబాబ్వేలో భార‌త అంబాసిడ‌ర్ అయిన మాసాకుయ్ ఆ ఆట‌గాడిని అరెస్ట్ కానీయ‌కుండా అడ్డుకున్నట్లు జింబాబ్వే మీడియా ఆరోపించింది. కానీ జింబాబ్వే మీడియాలో వస్తున్న వార్తల్లో ఎలాంటి నిజం లేదని అధికారులు తెలిపారు. అరెస్ట్ అయిన వ్య‌క్తి స్పాన్స‌ర్ల‌లో ఒక‌టైన బ్రాండ్‌కు సంబంధించిన వ్య‌క్త‌ి మాత్రమేనని చెప్పారు.

ఈ వ్యవహారంతో భారత క్రికెటర్లకు ఎలాంటి సంబంధం లేదని, ఈ రేప్ కేసుకు సంబంధించి ఓ భార‌త సంత‌తి వ్య‌క్తిని అరెస్ట్ చేశార‌ని, ఆయ‌న కూడా త‌న‌కు ఏమీ తెలియ‌ద‌న్నాడు. ఇంకా డీఎన్ఏ టెస్ట్‌కు కూడా సిద్ధంగా ఉన్నట్లు తెలిసింది. ఈ అంశంపై మాట్లాడటానికి బీసీసీఐ నిరాక‌రించింది. పూర్తి వాస్త‌వాలు తెలుసుకున్న త‌ర్వాత స్పందిస్తామ‌ని తేల్చి చెప్పింది.