Webdunia - Bharat's app for daily news and videos

Install App

చాంపియన్స్ ట్రోఫీ నిర్వహణతో భారీ నష్టాల్లో పాక్ క్రికెట్ బోర్డు!!

ఠాగూర్
సోమవారం, 17 మార్చి 2025 (16:14 IST)
సుధీర్ఘకాలం తర్వాత స్వదేశంలో పాకిస్థాన్ క్రికెట్ బోర్డు (పీసీబీ) చాంపియన్స్ ట్రోఫీని నిర్వహించింది. ఈ టోర్నీ నిర్వహణ ద్వారా లాభాలను అర్జించకపోగా భారీ లాభాలను మూటగట్టుకుంది. దీనికి కారణం కూడా పాకిస్థాన్ జట్టే. చాంపియన్స్ ట్రోఫీ లీగ్ దశలోనే దారుణమైన ప్రదర్శనతో పాకిస్థాన్ వైదొలగడం ఒక ఎత్తు అయితే, టీమిండియా టైటిల్ గెలుచుకోవడం దానికి మింగుడుపడని విషయం. 
 
మరోవైపు, దుబాయ్‌లో ట్రోఫీ బహూకరణ సమయంలో పాకిస్థాన్‌ ప్రతినిధులను పోడియం పైకి ఆహ్వానించకపోవడంతో మరింత అవమానభారంతో కుంగిపోయింది. మరోవైపు, ఈ టోర్నీ నిర్వహణతో పాక్ క్రికెట్ బోర్డుకు భారీ నష్టం వాటిల్లినట్టు తెలుస్తోది. దీంతో ఆ బోర్డుకు కోలుకోలేని దెబ్బ తగిలినట్టయింది. 
 
ఆతిథ్య దేశం అయినప్పటికీ పాకిస్థాన్ స్వదేశంలో ఆడింది ఒకే ఒక్క మ్యాచ్. లాహోర్‌లో ఆడిన తొలి మ్యాచ్‌లో న్యూజిలాండ్‌ చేతిలో ఓడిపోయింది. ఆ తర్వాత దుబాయ్ వేదికగా భారత్‌తో ఆడిన మ్యాచ్‌లోనూ ఆ జట్టు చిత్తుగా ఓడింది. ఇక బంగ్లాదేశ్‌తో మూడో మ్యాచ్ వర్షం కారణంగా రద్దయింది. దీంతో టోర్నీ నుంచి పాక్ నిష్క్రమించింది. 
 
ఈ టోర్నీ నిర్వహణ కోసం పాకిస్థాన్ క్రికెట్ బోర్డు 18 బిలియన్ పాక్ కరెన్సీని ఖర్చు చేశారు. రావల్పిండి, లాహోర్‌, కరాచీ స్టేడియాల ఆధునికీకరణ కోసం ఈ నిధులను వెచ్చించింది. అయితే, ఈ అంచనా వేసిన బడ్జెట్ కంటే 50 శాతం ఎక్కువ. దీంతో ఈవెంట్ సన్నాహాల కోసం 40 మిలియన్ డాలర్లు ఖర్చు చేసింది. అయితే, హోస్టింగ్ ఫీజులో భాగంగా పీసీబీ 6 మిలియన్ డాలర్లు మాత్రమే అందుకున్నట్టు సమాచారం. ఇక టిక్కెట్ అమ్మకాలు, స్పాన్సర్ షిప్‌ల విషయానికి వస్తే వాటి ఆదాయాలు చాలా తక్కువగా ఉన్నాయి. మొత్తంగా ఈ టోర్నీ నిర్వహణ ద్వారా పాక్ క్రికెట్ బోర్డు రూ.869 కోట్ల మేరకు నష్టాలను చవిచూసినట్టు నివేదికలు వెల్లడిస్తున్నాయి. 

సంబంధిత వార్తలు

అన్నీ చూడండి

తాజా వార్తలు

Raja Singh: నేను స్వతంత్ర ఎమ్మెల్యే... స్వేచ్ఛగా మాట్లాడగలను.. రాజా సింగ్

తెలంగాణ హైకోర్టును ఆశ్రయించిన హరీష్ రావు - అక్టోబర్ వరకు రిజర్వ్‌లో తీర్పు

హలో... నేను నీ భర్త రెండో భార్యను మాట్లాడుతున్నా: ఆ మాట వినగానే బస్సులోనే మృతి చెందిన మొదటి భార్య

అప్పుల బాధ భరించలేక భర్తను చంపి భార్య ఆత్మహత్యాయత్నం

ప్రియుడితో కలిసి భర్తను హతమార్చిన భార్య.. నాటకం బయటపడిందిలా...

అన్నీ చూడండి

టాలీవుడ్ లేటెస్ట్

తమన్ జడ్జిగా సీజన్ 4 తో వచ్చేసిన ఆహా వారి తెలుగు ఇండియన్ ఐడల్

దక్షిణాది చిత్రాల్లో హీరోయిన్లకు ప్రాధాన్యత ఎక్కడ?

కొత్త లోకా: చాప్టర్ వన్ – చంద్ర రివ్యూ, దుల్కర్ సల్మాన్, కల్యాణీ ప్రియదర్శన్ కు మార్కులు

Allu Family: విశాఖలో చిక్కుకున్న పవన్ కల్యాణ్.. వైరల్ అవుతున్న పాత ఫోటోలు

అల్లు కనకరత్నం కు నివాళి అర్పించిన రామ్ చరణ్, అన్నాలెజినోవా

తర్వాతి కథనం
Show comments