డ్రెస్సులో చెమట.. అబ్బే ఇబ్బందిగా లేదా?: మిథాలీకి ప్రశ్న.. ఏం చెప్పిందంటే?

ఇటీవల తన ట్విట్టర్ పేజీలో మిథాలీ రాజ్ సహ క్రికెటర్లతో తీసిన ఓ ఫోటోను పోస్ట్ చేశారు. ఈ ఫోటోను చూసిన ఓ నెటిజన్.. మీ డ్రెస్సులో చెమట పోసింది.. అబ్బే మీకు ఇబ్బంది కలగలేదా? అంటూ ప్రశ్నించాడు. ఈ ప్రశ్నకు మి

మొన్నటికి మొన్న పాకిస్థాన్ జర్నలిస్టు పాకిస్థాన్ ఆటగాళ్లలో మీకు ఎవరంటే ఇష్టం? అనే ప్రశ్నకు భారత మహిళా క్రికెట్ జట్టు కెప్టెన్ మిథాలీ రాజ్ చుక్కలు కనిపించే సమాధానమిచ్చింది. రెండు దేశాలకు చెందిన ఏ క్రికెటర్ నైనా మీకు ఏ జట్టులోని మహిళా క్రికెటర్ ఇష్టమని ఏనాడైనా అడిగారా? అంటూ నిలదీసింది. అప్పట్లో మిథాలీ రాజ్ యాన్సర్ సోషల్ మీడియాలో వైరల్ అయ్యింది. మంచి ప్రశ్న వేశావంటూ మహిళా సెలెబ్రిటీలు, క్రీడాకారులు ఆమెను మెచ్చుకున్నారు. తాజాగా ఓ నెటిజన్ మిథాలీ రాజ్‌ను ఎగతాళి చేశాడు.

అంతే అతనికి మిథాలీ రాజ్ సరైన సమాధానం ఇచ్చింది. ఇటీవల తన ట్విట్టర్ పేజీలో మిథాలీ రాజ్ సహ క్రికెటర్లతో తీసిన ఓ ఫోటోను పోస్ట్ చేశారు. ఈ ఫోటోను చూసిన ఓ నెటిజన్.. మీ డ్రెస్సులో చెమట పోసింది.. అబ్బే మీకు ఇబ్బంది కలగలేదా? అంటూ ప్రశ్నించాడు. ఈ ప్రశ్నకు మిథాలీ ధీటుగా సమాధానమిచ్చింది. అవును.. నా డ్రెస్సుకు చెమట పట్టిన మాట నిజమే. అయితే నాకు ఎలాంటి ఇబ్బంది కలగలేదు. నేను తీవ్రంగా శ్రమించేటప్పుడు వచ్చే ఈ చెమటే నన్ను ఈ స్థాయికి చేర్చిందని బదులిచ్చింది. మిథాలీనా మజాకా?.