ఐపీఎల్-9లో చావోరేవో తేల్చుకోవడానికి సన్రైజర్స్ హైదరాబాద్, కోల్కతా నైట్రైడర్స్ జట్లు సిద్ధమయ్యాయి. లీగ్ దశలో అద్భుత పోరాట నైపుణ్యం ప్రదర్శించిన వార్నర్ సేన నాకౌట్ సమరానికి సిద్ధమైంది. ఫిరోజ్ షా కోట్లా మైదానం వేదికగా బుధవారం జరిగే ఎలిమినేటర్లో రెండుసార్లు టోర్నీ చాంపియన్ కోల్కతా నైట్రైడర్స్తో సన్రైజర్స్ అమీతుమీ తేల్చుకోనుంది.
ఈ మ్యాచ్లో గెలిచిన జట్టు ఫైనల్ బెర్త్ కోసం క్వాలిఫయర్-1 పరాజితతో పోటీపడాల్సి ఉంటుంది. ఓడిన జట్టు మాత్రం ఇంటిదారి పట్టాల్సిందే. బ్యాటింగ్, బౌలింగ్లో ఇరు జట్లూ సమవుజ్జీలుగా ఉన్నాయి. అయితే లీగ్ దశలో కోల్కతాతో ఆడిన రెండు మ్యాచ్ల్లో హైదరాబాద్ ఓడటం ఆందోళన కలిగించే అంశం.