టీమిండియా జట్టుకు చెందిన ఓ క్రికెటర్ త్వరలో పెళ్లి కొడుకు కాబోతున్నాడు. జట్టు బౌలింగ్‌లో కీలక పాత్ర పోషిస్తున్న ఇషాంత్ శర్మ ప్రతిమా సింగ్ అనే యువతిని పెళ్లాడనున్నాడు. ఈ మేరకు వీరిద్దరి ఎంగేజ్‌మెంట్ అట్టహాసంగా జరిగింది. జట్టులో అంతా లంబూ అని పిలుచుకునే ఈ ఫాస్ట్ బౌలర్‌కు ప్రస్తుతం జరుగుతున్న జింబాబ్వే పర్యటన నుంచి విశ్రాంతి లభించింది.
ఈ గ్యాప్‌లో పెళ్లి చేసేసుకోవాలని ఇషాంత్ శర్మ నిర్ణయించుకున్నాడు. ఇటీవలే ముగిసిన ఐపీఎల్- 9 సీజన్‌లో రైజింగ్ పుణే సూప్ జెయింట్స్‌కు ప్రాతినిధ్యం వహించిన ఇషాంత్ ఆదివారం న్యూఢిల్లీలో జరిగిన వేడుకలో తాను ప్రేమించిన అమ్మాయి చేతి వేలికి రంగు తొడిగాడు. త్వరలోనే వీరి పెళ్లిని ఘనంగా నిర్వహించనున్నట్లు సమాచారం. ఎంగేజ్‌మెంట్ చేసుకున్న లంబూకు జట్టు సభ్యుడు సురైశ్ రైనా ట్విట్టర్‌లో శుభాకాంక్షలు తెలిపాడు.