దీపక్ హుడా ప్రపంచ అరుదైన రికార్డు.. టీమిండియాకు విజయపరంపర

Huda

టీమిండియా ఆల్‌రౌండర్‌ దీపక్ హుడా అరుదైన రికార్డును తన ఖాతాలో వేసుకున్నాడు. జింబాబ్వేతో శనివారం జరిగిన రెండో వన్డేలోనూ అద్భుతమైన ప్రదర్శన చేశాడు. 

ఈ మ్యాచ్‌లో హుడా 25 పరుగులతో పాటు ఒక వికెట్‌ పడగొట్టాడు. దాంతో, ఈ పోరులో భారత్ ఐదు వికెట్ల తేడాతో జింబాబ్వేపై గెలిచి మరో మ్యాచ్ మిగిలుండగానే సిరీస్‌ను 2-0 తో సొంతం చేసుకుంది. 

ఈ విజయంతో దీపక్ హుడా ఓ అరుదైన ప్రపంచ రికార్డు సృష్టించాడు. క్రికెటర్‌గా అరంగేట్రం చేసిన తర్వాత హుడా ఆడిన 16 మ్యాచ్‌ల్లోనూ భారత్‌ విజయం సాధించింది. 

హుడా ఇప్పటి వరకు 9 టీ20లు, 7వన్డేల్లో పోటీ పడ్డాడు. వీటిలో టీమిండియా గెలిచింది. దాంతో అం‍తర్జాతీయ క్రికెట్‌లో అరంగేట్రం చేసిన తర్వాత వరుసగా 16 విజయాలు సాధించిన ఆటగాడిగా హుడా నిలిచాడు.