ముందుగా చికెన్‌ను చిన్న చిన్న ముక్కలుగా కట్‌చేసి నీళ్లతో శుభ్రంగా కడిగి వడకట్టాలి. తరువాత కారం, నల్లమిరియాల పొడి, అల్లం వెల్లుల్లి పేస్ట్, మసాలా, ఉప్పును చికెన్ ముక్కల్లో వేసి బాగా కలుపుకోవాలి. ఇప్పుడు గుడ్డు, మొక్కజొన్న పిండి వేసి ముక్కలన్నింటికీ బాగా పట్టేలా కలుపుకోవాలి. ఆ తరువాత బ్రెడ్ క్రంబ్స్‌ను వేసి కలిపి 5 నిమిషాలు పక్కన పెట్టుకోవాలి. లేదంటే ఒక్కో ముక్కను బ్రెడ్ క్రంబ్స్‌లో వేసి దొర్లించొచ్చు. పావుగంట వాటిని అలానే ఉంచితే బ్రెడ్ పొడి ముక్కలకు బాగా అంటుకుపోతుంది. ఇప్పుడు నూనె వేడిచేసి అందులో ఈ ముక్కలు వేసి బంగారు రంగు వచ్చేవరకు వేగించాలి. మధ్యమధ్యలో కదుపుతూ వేగిస్తే ముక్కలు బాగా వేగుతాయి. అంతే... పాప్‌కార్న్ చికెన్ రెడీ.