ప్రతి సంవత్సరం గుడ్ ఫ్రైడే ఈస్టర్ ముందు శుక్రవారం, ఈ ఏడాది ఏప్రిల్ 2 న వస్తుంది. చర్చి లూనార్ క్యాలెండర్ ప్రకారం, ఈ సంవత్సరం ఏప్రిల్ 4న పాస్చల్ పౌర్ణమి, మొదటి ఆదివారం ఈస్టర్ జరుపుకుంటారు. ఈ రోజున క్రైస్తవులు యేసుక్రీస్తు సిలువ వేయడాన్ని స్మరించుకుంటారు. ఇది ప్రపంచవ్యాప్తంగా ఉన్న క్రైస్తవులకు శోకం, తపస్సు, ఉపవాసం ఉన్న రోజు. అదే కారణంతో ఆ రోజును బ్లాక్ ఫ్రైడే అని కూడా పిలుస్తారు. ఇది క్రైస్తవులకు 40 రోజుల ఉపవాస కాలం.
ఈస్టర్ రోజున క్రీస్తును శిలువ చేశారు. దీనికి గుర్తుగా ప్రతి సంవత్సరం క్రైస్తవ ధర్మాన్ని పాటించేవారు కొయ్యతో చేసిన శిలువను చర్చిలలో ఉంచి ప్రార్థిస్తారు. ప్రతి ఒక క్రిస్టియన్ వచ్చి ఆ శిలువను ముద్దాడుతారు.
ఆ తర్వాత మధ్యాహ్నం నుంచి మూడు గంటల వరకు సేవలుంటాయి. ఈ సేవలలో క్రీస్తు సిద్ధాంతాల(నాలుగు గోస్పెల్స్)లోంచి ఏదో ఒక దానిని చదివి భక్తులకు వినిపించి వారి చేత కూడా చదివిస్తారు. ఆ తర్వాత చర్చిలలో ప్రవచనాలు, ధ్యానం మరియు ప్రార్థనలు జరుగుతాయి. ఈ సందర్భంగా క్రీస్తును ఎలా శిలువ చేసేరనే దానిపై మత పెద్దలు ఉపన్యాసం చేసి క్రీస్తును స్మరించుకుంటారు.
దీని తర్వాత అర్థరాత్రికి సాధారణ కమ్యూనియన్ సర్వీస్ ఉంటుంది. అంటే సామూహిక ప్రార్థనలలో క్రీస్తు స్మృతిపథాన్ని గుర్తు చేసుకుంటారు. కొన్ని చోట్ల నల్లటి వస్త్రాలు ధరించి భక్తులు క్రీస్తును స్మరిస్తూ ఒక సమారోహాన్ని ఏర్పాటు చేస్తారు. చివరికి కృత్రిమ అంతిమ సంస్కారం కూడా చేస్తారు.
క్రైస్తవ ధర్మాన్ని పాటించేవారు గుడ్ ఫ్రైడే రోజున ప్రాయశ్చిత్తం, ప్రార్థనలు చేసుకునే రోజు. ముఖ్యంగా ఈ రోజు చర్చిలలో గంటలు మ్రోగవు.