ఆ సినిమాలో టోపీ పెట్టిందని ఈ 'సినిమా'లోకి తీసుకొస్తారా.. జాగ్రత్తమ్మాయ్

ఆర్కేనగర్ పోటీకి సినిమాలో టోపీకి సంబంధం ఏమిటి? అంటే తప్పక ఉంది. మదరాసు పట్టణం చిత్రం ద్వారా నటిగా కోలీవుడ్‌కు దిగుమతి అయిన విదేశీ భామ ఎమీ జాక్సన్ తన ప్రమేయం లేకుండా తమిళ రాజకీయాల్లోకి లాగబడుతోందని వార్తలు.

ప్రస్తుతం తమిళనాడు రాజకీయాలు మొత్తంగా ఆర్కే నగర్ చుట్టూ తిరుగుతున్నాయి. మాజీ ముఖ్యమంత్రి జయలలిత మృతి నేపథ్యంలో ఆమె నియోజకవర్గమైన ఆర్కే నగర్‌ ఉప ఎన్నికలో ప్రస్తుతం గెలుపు సాధించడానికి అధికారం పక్షం, పన్నీర్ సెల్వం పక్షం, దీపా పెరవై పక్షం, డీఎంకే పార్టీ తీవ్రంగా ప్రయత్నిస్తున్నారు. ఈ ఉప ఎన్నిక ఫలితం మీదే తమిళనాడు రాజకీయ పక్షాల భవితవ్యం మొత్తంగా ఆదారపడి ఉందనేంత రేంజిలో అక్కడ ప్రచారం జరుగుతోంది.

ఇదంతా బాగుంది కానీ ఆర్కేనగర్ పోటీకి సినిమాలో టోపీకి సంబంధం ఏమిటి? అంటే తప్పక ఉంది. మదరాసు పట్టణం చిత్రం ద్వారా నటిగా కోలీవుడ్‌కు దిగుమతి అయిన విదేశీ భామ ఎమీ జాక్సన్ తన ప్రమేయం లేకుండా తమిళ రాజకీయాల్లోకి లాగబడుతోందని వార్తలు. ఆ సినిమాలో ఆమె పెట్టుకున్న టోపీ చాలా బాగుంటుంది. దినకరన్ గ్రూప్ పార్టీ అమ్మ అన్నాడీఎంకేకి ఎన్నికల సంఘం టోపీ గుర్తు కేటాయించిన దరిమిలా సినిమాలో టోపీ ధరించిన ఎమీ జాక్సన్‌ను ఎలాగోలా ఒప్పించి ప్రచారానికి తీసుకువచ్చినట్లయితే ఆమె టోపీని చూసి జనం తమకే ఓట్లేస్తారని శశికళ గ్రూప్ నుంచి పోటీ చేస్తున్న దినకరన్ ప్రగాడ విశ్వాసం. 

అమ్మ అన్నాడీఎంకే ఎన్నికల గుర్తు టోపీనే కాబట్టి. దీంతో అలాంటి టోపీని పెట్టుకుని నటి ఎమీజాక్సన్‌ను తమ పార్టీ తరుఫున ప్రచారం చేయవలసిందిగా ఎమీజాక్సన్‌ను కోరినట్లు, అందుకు ఆమె పచ్చజెండా ఊపినట్లు కూడా కొలివుడ్ వర్గాలు చెప్పుకుంటున్నాయి. ప్రచారం చేయడం, చేయకపోవడం ఎమీజాక్సన్ ఇష్టమే కావచ్చు కానీ శశికళ మూలంగా ప్రతిష్ట దెబ్బతినిపోయిన అమ్మ అన్నాడీఎంకే తరపున ఎమీ ప్రచారానికి రావడం తప్పు సంకేతాలు వెలువరించే ప్రమాదముందని రాజకీయ పరిశీలకులు హెచ్చరిస్తున్నారు. 

ఈ హెచ్చరికలను పాటించడం, పాటించక పోవడం కూడా ఎమీ ఇష్టమే మరి.