ఎల్ఐసీలో 9 వేల పోస్టుల భర్తీకి చర్యలు.. తెలుగు రాష్ట్రాల్లో 1408 పోస్టులు

భారతీయ జీవిత బీమా సంస్థ (ఎల్.ఐ.సి)లో 9394 వేల పోస్టులను భర్తీ చేయనున్నారు. ఇందులో తెలుగు రాష్ట్రాల్లోనే 1408 పోస్టులు ఉన్నాయి. డిగ్రీ ఉత్తీర్ణులైన నిరుద్యోగులు ఈ పోస్టులకు దరఖాస్తు చేసుకోవచ్చు.  

గేశ వ్యాప్తంగా వివిధ జోన్ల పరిధిలో వీటిని భర్తీ చేయనున్నారు. అప్రెంటిస్ డెవలప్‌మెంట్ ఆఫీసర్ పోస్టులకు రెగ్యులలర్ ప్రాతిపదికన ఉద్యోగులను నియమించనుంది. ఇందుకోసం అర్హత కలిగిన అభ్యర్థుల నుంచి దరఖాస్తులు కోరుతూ నోటిఫికేషన్ జారీచేసింది. 

2023 జనవరి ఒకటో తేదీ నాటికి అభ్యర్థుల వయో పరిమితి 21 యేళ్ల నుంచి 30 యేళ్లలోపు ఉండాలి. రిజర్వేషన్ల్ ప్రకారం వయోపరిమితిలో సడలింపు ఉంటుంది. అర్హత, ఆసక్తి కలిగిన అభ్యర్థులు వచ్చే నెల పదో తేదీ లోపు దరఖాస్తు చేసుకోవాల్సి ఉంటుంది. జనరల్ అభ్యర్థులు రూ.750, ఎస్సీ, ఎస్టీ అభ్యర్థులు రూ.100 చొప్పున దరఖాస్తు ఫీజు చెల్లించాల్సివుంటుంది. 

ప్రిలిమ్స్, మెయిన్స్‌లలో రాత పరీక్ష, ఇంటర్వ్యూ, రిక్రూట్మెంట్ మెడికల్ టెస్ట్ ఆధారంగా తుది ఎంపిక ఉంటుంది. మార్చి 12న ప్రిలిమినరీ పరీక్ష, ఏప్రిల్ 8న మెయిన్స్ పరీక్ష నిర్వహిస్తారు. ఎంపికైన వారికి నెలకు రూ.51500 నుంచి రూ.90205 వరకు వేతనంగా చెల్లిస్తారు.