వర్షాకాలంలో తేమ శాతం అధికంగా వుంటుంది. ఈ కాలంలో కేశాల ఆరోగ్యంపై ప్రత్యేక శ్రద్ధ తీసుకుంటూ వుండాలి. ఈ కాలంలో సహజసిద్ధమైన హెన్నా ప్యాక్ వేసుకుంటే మంచిది. ఇది కండిషనింగ్ ఏజెంటుగా పనిచేసి జుట్టును మృదువుగానూ ఆరోగ్యంగా వుంచుతుంది. ఐదు చెంచాల హెన్నా పొడికి మూడు చెంచాల టీ డికాక్షన్, కోడిగుడ్డు తెల్లసొన, అరచెక్క నిమ్మరంస, చెంచా చొప్పున మెంతిపొడి, ఉసిరిపొడి కలిపి మూడు గంటలు నానబెట్టాలి.
ఇందులో పావుచెంచా యూకలిప్టస్ నూనె కలిపి మెత్తని పేస్టులా చేసి జుట్టు కుదుళ్ల నుంచి పట్టించాలి. ఆ తర్వాత అర్థగంట తర్వాత తలస్నానం చేయాలి. ఉసిరిపొడి మాడుకు కండినర్‌గా మారి చుండ్రును దూరం చేస్తుంది. జుట్టు పెరిగేందుకు ఇది సాయపడుతుంది.
నిమ్మరసంలో వుండే విటమిన్ సి శిరోజాలకు మృదుత్వాన్నిస్తుంది. ఇందులోని యాంటీ ఆక్సిడెంట్స్ జుట్టుకు ఆరోగ్యాన్ని ఇస్తాయి. ఫోలిక్ యాసిడ్ జుట్టుకు వున్న జిడ్డును తొలగిస్తుంది.