ఆమ్లా రైస్.. ఎలా చేయాలో తెలుసా?

కావలసిన పదార్థాలు:

బియ్యం - అరకప్పు

ఉసిరికాయలు - 10

పసుపు - అరస్పూన్

ఇంగువ - కొద్దిగా

ఉప్పు - తగినంత

నూనె - సరిపడా

నువ్వుల పొడి - 1 స్పూన్స్

జీడిపప్పు - 4

ఎండుమిర్చి - 4

పచ్చిమిర్చి - 4

కరివేపాకు - రెండు రెమ్మలు

కొత్తిమీర కట్ట - 1

శెనగపప్పు - 1 స్పూన్

మినప్పప్పు - 1 స్పూన్

ఆవాలు - 1 స్పూన్

తయారీ విధానం:

ముందుగా అన్నం వండుకుని బౌల్‌లో ఆరబెట్టాలి. ఇప్పుడు ఉసిరికాయలను చిన్న చిన్న ముక్కలుగా కట్ చేసి అందులో ఉప్పు వేసి వాటిని కచ్చాపచ్చాగా దంచాలి. లేదా పెద్ద ఉసరికాయలైతే తురుముకోవచ్చు. ఆ తరువాత పాన్లో నూనె వేసి కాగిన తరువాత అందులో పసుపు, ఎండుమిర్చి, శెనగపప్పు, మినప్పప్పు, ఆవాలు వేసి 2 నిమిషాల పాటు వేయించాలి.

ఆపై అందులోనే పచ్చిమిర్చి, నువ్వుల పొడి, కరివేపాకు, జీడిపప్పు, దంచిన ఉసిరికాయ ముక్కలు, ఇంగువ వేసి దోరగా వేయించాలి. 2 నిమిషాలు మీడియం మంట మీద వేయించుకుని ఆ తరువాత స్టవ్ ఆఫ్ చేసి కొద్దిసేపు ఆరబెట్టి చల్లారిన తరువాత అన్నంలో కలుపుకోవాలి. అంతే... ఆమ్లా రైస్ రెడీ.