జన జీవనంలోకి వన్య ప్రాణులు రావడం మామూలైపోయింది. అడవికి దగ్గరగా ఉన్న గ్రామాల్లోకి చిరుతలు వచ్చి భయపెడుతున్నాయి. ఓ ఇంట్లోని పెంపుడు శునకం గేటు ముందు నిలబడి పెద్దపెద్దగా మొరుగుతుంది. రాత్రి వేళ కావడంతో ఎవరూ దానిని పెద్దగా పట్టించుకోలేదు.
అయితే మొరుగుతున్న కుక్క ఉన్నట్టుండి పరుగులు తీసింది. వెంటనే ఓ చిరుత వీధి గేటు దూకిలోనికి వచ్చి కుక్కను నోట కరుచుకొని వచ్చిన దారిన వెళ్లిపోయింది. దీనికి సంబంధించిన దృశ్యాలు సీసీటీవీలో రికార్డయ్యాయి. ఈ వీడియోను పర్విన్ కస్వాన్ ట్విట్టర్‌లో షేర్ చేశాడు.
జాగ్రత్తగా ఉండాలని సూచించాడు. ఈ వీడియో సోషల్ మీడియాలో వైరల్‌గా మారింది. దీంతో చాలా మంది తమ పెంపుడు జంతువుల మెడకు పదునైన ముళ్లు కలిగిన బెల్టులు తగిలిస్తున్నారు.