ఖడ్గమృగం దాడి నుండి తృటిలో లక్కీగా తప్పించుకున్నాడు..వీడియో..
గురువారం, 22 ఆగస్టు 2019 (11:51 IST)
ఖడ్గమృగం ఎలా ఉంటుందో మనం చూసే ఉంటాం, కానీ అది వెంటపడడం ఎప్పుడైనా చూసారా? టూరిస్ట్‌లపైకి అమాంతం ఎలా దూసుకువచ్చిందో ఈ వీడియో చూస్తే మీకే తెలుస్తుంది. వెన్నులో వణుకుపుట్టించేలా ఉన్న ఈ వీడియో ప్రస్తుతం సోషల్ మీడియాలో వైరల్‌గా మారింది.
ఈ ఘటన సౌత్ ఆఫ్రికన్ సఫారీ పార్క్‌లో జరిగింది. సాధారణంగా చిరుతలు, సింహాలు మరియు ఇతర మృగాలు టూరిస్ట్‌లపై దాడి చేయడం చూస్తూనే ఉంటాం. వీటి బారిన పడి టూరిస్ట్‌లు గాయాలపాలు అయిన సందర్భాలు చాలానే ఉన్నాయి.
రియాన్ బోసోఫ్ అనే టూరిస్టు సఫారీ పార్కులో వీడియో షూట్ చేస్తూ వెళ్తున్నాడు. తన వాహనంలో ఉండి అక్కడి జంతువులను చూస్తూ వీడియో తీస్తున్నాడు. ఇంతలో ఒక తెల్లని ఖడ్గమృగం అతడి కంట పడింది. దానిని వీడియో తీయడం ప్రారంభించాడు. అయితే రియాన్‌ను చూసిన ఖడ్గమృగం వేగంగా చాలాదూరం తరిమింది. కనీసం రెండు నిమిషాల పాటు వెంటాడింది.
వాహనానికి అతి దగ్గరగా వచ్చి దాడి చేయడానికి ప్రయత్నించింది. లక్కీగా వాహనం వేగాన్ని పెంచడంతో ఆ టూరిస్ట్‌కు తృటిలో ప్రమాదం తప్పింది. జంతువులలో రెండో అతిపెద్ద జంతువులైన తెల్లని రైనోలు గంటకు 30 మైళ్ల వేగంతో పరుగు తీయగలవు. వైరల్‌గా మారిన వీడియోని మీరు ఓ సారి చూడండి.
