రాజశేఖర్ అలాంటి పని చేశారంటే ఎవరైనా నమ్ముతారా?: రోజా
యాంగ్రీ మ్యాన్, గరుడ వేగ హీరో రాజశేఖర్‌కు ఆయన సతీమణి, నటి, దర్శకురాలు జీవితపై సామాజిక కార్యకర్త, పీవోడబ్ల్యూ సంధ్య సంచలన ఆరోపణలు చేశారు. భర్త రాజశేఖర్ కోసం జీవిత అమ్మాయిలను సప్లై చేసేదని, హాస్టళ్లలోని
యాంగ్రీ మ్యాన్, గరుడ వేగ హీరో రాజశేఖర్‌కు ఆయన సతీమణి, నటి, దర్శకురాలు జీవితపై సామాజిక కార్యకర్త, పీవోడబ్ల్యూ సంధ్య సంచలన ఆరోపణలు చేశారు. భర్త రాజశేఖర్ కోసం జీవిత అమ్మాయిలను సప్లై చేసేదని, హాస్టళ్లలోని అమ్మాయిలను ట్రాప్ చేసి భర్త లైంగిక కోరికలను తీర్చడానికి పంపేదని సంధ్య ఆరోపించారు.
ఈ ఆరోపణలపై జీవిత కూడా న్యాయపరమైన చర్యలు తీసుకునేందుకు సిద్ధమయ్యారు. ఈ వ్యవహారానికి సంబంధించి తన వద్ద ఆధారాలున్నాయని కూడా సంధ్య చెప్పారు. ఈ నేపథ్యంలో ఈ వ్యవహారంపై వైసీపీ ఎమ్మెల్యే రోజా స్పందించారు.
రోజా తాజాగా ఓ ఇంటర్వ్యూలో మాట్లాడుతూ.. రాజశేఖర్ అలాంటి వారు కాదని చెప్పింది. ఏదైనా విషయం వుంటే.. అది ఒకటి రెండేళ్లలో వెలుగులోకి వస్తుంది. కానీ రాజశేఖర్ ఇండస్ట్రీలోకి ఎంట్రీ ఇచ్చి ఎన్ని సంవత్సరాలైంది. తాను కూడా రాజశేఖర్‌తో కలిసి సినిమాలు చేశాను. జీవిత లేకుండా రాజశేఖర్ బయటకు కూడా వెళ్లరు.
అలాగే పిల్లల్ని వదిలిపెట్టి అస్సలు బయటకు వెళ్లరు. అలాంటి మనిషి ఇలాంటి పని చేశాడంటే ఎవ్వరూ నమ్మరంటూ రోజా వ్యాఖ్యానించారు. కావాలనే రాజశేఖర్‌‌ను టార్గెట్ చేసి.. ఇలాంటి ఆరోపణలు చేసివుంటారని రోజా తెలిపారు. రాజశేఖర్ మా ఆయనకు క్లోజ్ ఫ్రెండ్ అంటూ చెప్పుకొచ్చారు. రాజశేఖర్‌పై కావాలనే బురద చల్లారని.. ఈ ఆరోపణలను బట్టి అర్థం చేసుకోవచ్చునని రోజా చెప్పారు.