ప్రపంచంలోనే వింతైన, అరుదైన కేసు ఒకటి నమోదైంది. ఒక వ్యక్తికి కరోనా, మంకీపాక్స్, హెచ్ఐవీ సోకింది. ఆ వ్యక్తికి జరిపిన వైద్య పరీక్షల్లో ఈ మూడు ఉన్నట్టు నిర్ధారణ అయింది. ఈ వ్యక్తి ఇటలీ దేశస్థుడు. ఈ వ్యక్తిలో ఈ మూడింటిని ఇటాలియన్ శాస్త్రవేత్తలు గుర్తించారు.
జర్నల్ ఆఫ్ ఇన్ఫెక్షన్స్‌లో ప్రచురితమైని సమాచారం మేరకు ఈ బాధితుడు ఇటీవల ఐదు రోజుల స్పెయిన్ దేశానికి వెళ్లి స్వదేశానికి వచ్చాడు. ఇంటికి చేరిన 9 రోజుల తర్వాత ఆయనకు జ్వరం, గొంతునొప్పి, తలనొప్పి, నడుము వాపు తదితర సమస్యలు ఉత్పన్నమయ్యాయి. ఈ లక్షణాలు కనిపించిన అనంతరం అతనికి మూడు రోజుల తర్వాత కరోనా సోకినట్టు గుర్తించారు.
ఆ తర్వాత కొద్ది గంటల్లోనే సదరు వ్యక్తి ఎడమ చేతిపై దద్దుర్లతో పాటు బొబ్బలు కనిపించాయి. ప్రస్తుతం సిసిలీ తూర్పు తీరంలో ఉన్న కాటానియాలోని ఓ ఆస్పత్రిలో ఆయన చేరి చికిత్స పొందుతున్నారు. ఆయనకు వైద్యులు వివిధ రకాల వైద్య పరీక్షలు చేయగా అందులో హెచ్ఐవీ పాజిటివ్‌గా తేలింది. అలాగే, మంకీపాక్స్, కోవిడ్ కూడా సోకినట్టు వైద్యులు గుర్తించారు.