Webdunia - Bharat's app for daily news and videos

Install App

టీడీపీతో సహా 120 మంది ఎంపీల మూకుమ్మడి రాజీనామా?

Webdunia
బుధవారం, 13 ఫిబ్రవరి 2019 (12:51 IST)
సార్వత్రిక ఎన్నికల సమయం సమీపిస్తుండటంతో విపక్ష పార్టీలు అస్త్రశస్త్రాలను సిద్ధం చేస్తున్నాయి. ప్రధాని నరేంద్ర మోడీ ప్రభుత్వంపై ప్రతీకారం తీర్చుకునేందుకు విపక్ష పార్టీలన్నీ ఏకమయ్యాయి. అంతేకాకుండా, ప్రస్తుతం జరుగుతున్న బడ్జెట్ పార్లమెంట్ చివరి రోజున తెలుగుదేశం పార్టీతో సహా విపక్ష పార్టీలకు చెందిన 120 మంది ఎంపీలు మూకుమ్మడి రాజీనామాలు చేయాలని నిర్ణయించారు. ఇదే నిజమైతే మూడు దశాబ్దాల క్రితం జరిగిన చరిత్ర పునరావృత్తమైనట్టే. 
 
నిజానికి గత 1989 సంవత్సరంలో బోఫోర్స్ స్కామ్‌ ఆరోపణల నేపథ్యంలో ప్రధాని పదవికి రాజీనామా చేసేందుకు రాజీవ్ గాంధీ నిరాకరించారు. పైగా, సంయుక్త పార్లమెంటరీ సంఘం (జేపీసీ) విచారణకు తిరస్కరించారు. దీంతో తెలుగుదేశం పార్టీ వ్యవస్థాపకుడు ఎన్.టి.రామారావు సారథ్యంలోని నేషనల్ ఫ్రంట్‌ ఊహించని నిరసనకు దిగింది. ఈ కూటమిలోని 12 మిత్రపక్ష పార్టీలకు చెందిన 106 మంది ఎంపీలు మూకుమ్మడి రాజీనామాలు చేసారు. దీంతో లోక్‌సభ సంక్షోభంలో పడిపోయింది. 
 
ఇపుడు కూడా అచ్చం అలాంటి పరిస్థితి ఉత్పన్నమయ్యే సూచనలు కనిపిస్తున్నాయి. రాఫెల్ యుద్ధ విమానాల కొనుగోలులో కోట్లాది రూపాయల అవినీతితో పాటు అధికార దుర్వినియోగం జరిగినట్టు విపక్ష పార్టీలన్నీ కోడై కూస్తున్నాయి. కానీ, ప్రధాని నరేంద్ర మోడీ సారథ్యంలోని బీజేపీ సర్కారుకు ఏమాత్రం స్పందించడం లేదు. దీంతో విపక్ష పార్టీలకు చెందిన ఎంపీలంతా కలిసి మూకుమ్మడి రాజీనామాలు చేయాలన్న భావనలో ఉన్నట్టు వార్తలు వస్తున్నాయి. ఇదే విషయంపై మిత్రపక్షాలకు చెందిన నేతలు, ఎంపీలు తర్జనభర్జనలు పడుతున్నారు. 
 
రాఫెల్ స్కామ్‌లో ఎన్ని ఆరోపణలు వచ్చినా ప్రధాని మోడీ మాటమాత్రం కూడా స్పందించడం లేదు. పైగా, జేపీసీ విచారణకు కూడా ససేమిరా అంటున్నారు. పైగా, విభజన హామీ మేరకు ఆంధ్రప్రదేశ్ రాష్ట్రానికి ప్రత్యేక హోదా ఇచ్చేందుకు మోడీ సర్కారు తిరస్కరించారు. అలాగే, దేశంలో ప్రతిపక్ష పార్టీలపై అణచివేత చర్యలకు పాల్పడటానికి నిరసనగా ప్రతిపక్ష పార్టీలకు చెందిన లోక్‌సభ ఎంపీలు రాజీనామా అస్త్రాన్ని ప్రయోగించాలని ప్రతిపక్ష నేతలు భావిస్తున్నారు. లోక్‌సభకు చివరి రోజు అయినా.. మోడీ సర్కారు తీరుపై ఆఖరి పోరాటంగా.. ప్రతిపక్షాలన్నీ సంఘటితమయ్యాయనడానికి సంకేతంగా రాజీనామా చేయాలని యోచిస్తున్నారు. 
 
ఇదే విషయంపై కాంగ్రెస్ అధ్యక్షుడు రాహుల్ గాంధీ, టీడీపీ అధినేత చంద్రబాబు నాయుడు, ఎన్సీపీ చీఫ్ శరద్ పవార్, టీఎంసీ అధినేత్రి మమతా బెనర్జీ, ఎస్పీ, బీఎస్పీ అధ్యక్షుడు, అధ్యక్షురాలు అఖిలేష్ యాదవ్, మాయావతిలతో పాటు.. ఇతర మిత్రపక్ష నేతలు చర్చలు జరుపుతున్నారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

వాళ్లు ప్రేక్షకులను ఎంటర్‌టైన్ చేస్తారు... మేము ఎడ్యుకేట్ చేస్తాం : ఏఆర్ మురుగదాస్

రీ రిలీజ్‌కు సిద్దమైన 'స్టాలిన్' మూవీ

పవన్ కళ్యాణ్ ఓ పొలిటికల్ తుఫాను : రజనీకాంత్

వీధి కుక్కలను చంపవద్దు అంటే ఎలా? దత్తత తీసుకోండి.. హ్యాష్ ట్యాగ్ సృష్టించండి.. వర్మ (video)

డేటింగ్ యాప్‌లపై కంగనా రనౌత్ ఫైర్.. అదో తెలివి తక్కువ పని

అన్నీ చూడండి

ఆరోగ్యం ఇంకా...

జీడి పప్పులో వున్న పోషకాలు ఏమిటి?

వయోజనుల కోసం 20-వాలెంట్ న్యుమోకాకల్ కాంజుగేట్ వ్యాక్సిన్‌ను ఆవిష్కరించిన ఫైజర్

మెడికవర్ క్యాన్సర్ ఇన్‌స్టిట్యూట్ ఉచిత క్యాన్సర్ నిర్ధారణ వైద్య శిబిరం

పిట్యూటరీ గ్రంథి ఆరోగ్యకరంగా లేకపోతే సంతానం శూన్యం, ఎందుకంటే?

వేరుశనగ పల్లీలు తింటున్నారా?

తర్వాతి కథనం
Show comments